O'zbekiston oliy ta`lim muassasalarida kontrakt narhlari oshdi

21.08.2016

3414

O'zbekiston oliy ta`lim muassasa (OTM)larida bakalavriat yo'nalishlarida bir yillik o'qish qiymati oshdi. Yangi narhlar ko'rsatilgan reliz ijtimoiy tarmoqlarda tarqaldi.

Unga ko'ra, 2016/2017 o'quv yilida bakalavriatdagi eng qimmat ta`lim yo'nalishlari halqaro munosabatlar, jahon iqtisodiyoti va halqaro iqtisodiy munosabatlar hamda huquq bo'lib qolgan — ularda bir yillik o'qish puli 9,85 million so'm etib belgilangan.

Abituriyentlarni to'lov-kontrakt asosida qabul qilish O'zbekiston Respublikasi Prezidentining yoki Vazirlar Mahkamasining tegishli qarori bilan tasdiqlangan qabul kvotalari doirasida yagona qabul qoidalari asosida test sinovlarining ballar reytingi bo'yicha Davlat komissiyasi tomonidan amalga oshiriladi.

Davlat komissiyasi tomonidan to'lov-kontrakt asosida o'qishga tavsiya etilgan abituriYentlar uchun to'lov har yili kontrakt shartlarida ko'rsatilgan muddatlarda amalga oshiriladi.

Mazkur qiymatlar 2016 yil 1 sentyabrdan amalga kiritiladi.