O'zbekiston 189
mamlakat o'rtasida 87-o'ringa ko'tarilib, tadbirkorlik faoliyatini
boshqarish bo'yicha etakchi davlatlar o'nligiga kirdi. So'nggi yillarda
mamlakatimiz tadbirkorlik muhitida 10 indikatorning 3tasi bo'yicha
ijobiy o'zgarishlar qayd etildi.
Mazkur ma'lumot 30 oktyabrda
Toshkent shahrida Jahon banki raisligida bo'lib o'tgan JBning "Biznesni
boshqarish 2016: sifat bahosi va nazorat samaradorligi” Markaziy Osiyo
hisoboti namoyishida aytib o'tildi.
Tadbir doirasida Toshkent, Ostona,
Olma-Ota, Bishkek va Dushanbe ekspertlarini o'zaro bog'lagan
videokonferentsiya shaklidagi mintaqaviy munozara tashkil etildi.
JB
mutaxassislari tadbirkorlikni boshqarish bo'yicha tahlillarni xususiy
biznesni tashkil etish, qurilish uchun ruxsat olish, elektr ta'minotiga
ulanish, mulklarni ro'yxatdan o'tkazish, kreditlar olish, minoritar
(kompaniyani boshqarishga aralashmaydigan) sarmoyadorlar huquqlari
himoyasi, soliq solish, xalqaro savdo, shartnoma shartlari
bajarilishining ta'minlanishi va to'lov qobiliyatiga ega bo'lmagan
tadbirkorlikka ijozat berish kabi 10ta indikator yuzasidan olib boradi.
Videokonferentsiyada qayd etilishicha, O'zbekiston, Qozog'iston, Qirg'iziston va Tojikistonda umumiy miqdorda 14 islohot o'tkazilib, ularda biznesni yuritish bo'yicha qulayliklar yaratishni o'z ichiga olgan 10 ko'rsatkichning 9tasi qamrab olindi.