“O'zbekiston temir yo'llari” suv tanqisligi mavjud hududlarga ichimlik suvi etkazib berish uchun maxsus texnika xarid qildi

“Ўзбекистон темир йўллари” акциядорлик жамияти томонидан Хитой Халқ Республикасида ишлаб чиқарилган 25 дона “Hоwа” ва 25 дона “Chakman” русумли ичимлик сувни ташишга мўлжалланган махсус автотранспорт харид қилинди. 

Уларнинг ҳар бири бир вақтнинг ўзида ўртача 25 тонна сувни аҳолига етказиб бериш имкониятига эга, дея хабар беради компания Ахборот хизмат. Бир кунда мазкур автотранспорт тури орқали 400 тоннадан ортиқ ичимлик суви ўз манзилига етказиб берилмоқда. Ушбу автоцистерналарда “UzGPS” хизмати ва бир қатор замонавий технологик қурилмалар билан жиҳозланган булиб, мазкур техникалар назорати “Темирйўлёнилғитаъмин” бошқармасига бириктирилди.

Ҳар бир вилоят ва сув танқислиги мавжуд туманларда махсус бўлинмалар ташкил этилган. Бундан ташқари, ҳудудий санитария-эпидемиология назорати марказлари билан ҳамкорлик йўлга қўйилган. 

Алоҳида таъкидлаш жоизки, хар бир автоцистерна замонавий кузатув ва алоқа воситалари билан жиҳозланган. Жумладан, “Миллий ахборот тизими”ни ривожлантириш дастури асосида BePRO дастурчилар маркази ва “Узбектелеком” АК ҳамкорлигида ишлаб чиқилган ҳаракатланувчи объектларни спутникдан кузатиш тизимидир. Ушбу ишланма 100% миллий маҳсулот бўлиб, давлат томонидан белгиланган стандартларга жавоб беради ва сертификат ҳамда мутасадди экспертларнинг хулосаларига эга.


Комментарии (0) | Добавить: 21.01.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]