O'zbekistonda 31 avgust dam olish kuni deb e'lon qilindi

O'zbekiston Respublikasi Mustaqilligining yigirma to'rt yilligi nishonlanishi munosabati bilan dam olish kunini ko'chirish to'g'risida O'zbekiston Respublikasi Prezidentining qarori chiqdi.

Qarorga ko'ra, O'zbekiston Respublikasi Mustaqilligining yigirma to'rt yilligi nishonlanishi munosabati bilan hamda aholining dam olishi uchun qulay shart-sharoitlar yaratish va ish vaqtidan oqilona foydalanish maqsadida 2015 yil 29 avgust shanba dam olish kuni 2015 yil 31 avgust dushanba kuniga ko'chirildi. 2015 yil 29 avgust shanba kuni ish kuni deb e'lon qilindi.