O'zbekistonda moliya piramidasi tashkil etgan Ahmadjon Tursunboev qo'lga olindi

16 iyun kuni «Toshkent» telekanalida O'zbekiston hududida moliya piramidasi tashkil etgan, xalq orasida "Ahmadboy" deya nom qozongan, noqonuniy valyuta operatsiyalari bilan shug'ullanib kelgan Ahmadjon Tursunboevning Toshkent viloyati huquq-tartibot organlari tomonidan qo'lga olingani haqida qisqa maxsus reportaj namoyish etildi. Bu reportaj kanalda kechki soat 20:15 va 22:15da takroran namoyish etilishi belgilangan. Shuningdek, «O'zbekiston» kanalida ham kechki soat 20:15 va 21:30da efirda shu lavhalar. 

Reportajda aytilishicha, Tursunboev Toshkent viloyati Chinoz tumanidagi «Chinoz halol chorva», va «Chinoz avto hamkor» korxonalari muassisi hisoblanadi.

U va uning xodimlaridan iborat jinoiy guruh aholidan 1 yil ichida 100 foiz ustamasi bilan qaytarishni va'da qilgan holda hech qanday kafolatsiz milliy va xorijiy valyutada naqd pul mablag'lari olgan. Bundan tashqari, tomonlar pul topshiruvchi vafot etgan taqdirda, uning pulini so'rab keluvchilar bo'lmasligiga kelishishgan. Tursunboev olingan pullarni xorijiy valyuta ko'rinishida xorijdan tovar olib kelish bilan shug'ullanuvchi savdogarlarga oyiga 40 foiz ustama bilan qaytarish sharti evaziga qarzga bergan.

Bunday valyuta operatsiyalarida bir necha 10 ming kishi ishtirok etgan. Reportaj davomida ulardan biri 8 mln so'm topshirgani, unga 10 oyda bu pulni 16 mln so'm qilib qaytarishni va'da berishgani haqida gapirgan.

Tursunboevning hisobchisi intervyuda kunlik aylanma 3-4 milliard so'mni tashkil qilgani haqida gapirdi. U avval pul topshirganlarga keyin topshirilgan pullar hisobidan foizlar to'lab borilganini aytgan.

Shuningdek, aholidan naqd puldan tashqari avtomobillar, qimmatbaho buyumlar har oyda foizlar to'lab borish sharti bilan qabul qilingan. Bu jarayon hech qanday rasmiylashtirishlarsiz olib borilgan va faqat oddiy daftarga kimdan nima olingani yozib qo'yilgan.

Aholidan olingan mablag'larning bir qismiga chet eldan turli tovarlar va qimmatbaho buyumlar olib kelinib, tadbirkorlarga ustama foiz evaziga tarqatilgan. Reportajda Ahmadboyning hashamatli uyidagi garajda joylashgan qimmatbaho avtomobillar ko'rsatilgan.

Shuningdek, aholidan 1 yilda 2ta qilib qaytarish evaziga qoramollar ham qabul qilingan va ular uchun fermalar tashkil etilgan. Xodimlardan biri shu maqsadda 5-6ta ferma qurilgani, ularning har biri 5-6 ming tuyoq qoramol uchun mo'ljallangani haqida gapirgan.

Reportajda qayd etilishicha, bu guruh 4-5 yildan buyon faoliyat ko'rsatib kelayotgandi.

Ma'lum qilinishicha, tezkor tadbir orqali Ahmadboydan tashqari uning besh nafar yordamchisi ham qo'lga olingan.

Ular avtomobillarni naqd chet el valyutasiga sotish va valyutani konvertatsiya qilishda ayblanadi.

Tursunboevning va uning yaqinlari uylarida, shuningdek, unga tegishli kompaniyalar ofislarida o'tkazilgan tezkor tadbirlar natijasida jami 13,139 mlrd so'm hamda 7,9 mln dollar naqd pul topilgan. Vaziyat yuzasidan jinoiy ish qo'zg'atilgan, tergov ishlari olib borilmoqda. 

Ma'lumot uchun, O'zbekistonda 2013 yilning 1 yanvaridan boshlab aholiga naqd chet el valyutasi sotish taqiqlangan. Valyuta sotib olish uchun fuqarolar bankda hisob raqami ochib, valyuta ushbu hisob raqamiga bog'liq bo'lgan, xalqaro to'lov tizimlarida ishlaydigan, bank kartalariga o'tkazilar edi.

 


Комментарии (0) | Добавить: 16.06.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

Хонанда Умидахон турмушга чиқяпти. Куёв ким?
Toshkentdagi Botanika bog‘i 9-maygacha yopildi
Gurbanguli Berdimuhamedov O'zbekistonga keldi
GM Uzbekistan Chevrolet Orlando ishlab chiqarishni to'xtatdi
Shavkat Mirziyoyevning xalqaro tashriflari: sarhisob va keyingi davlatlar
Mana bu tish pastalarini aslo ishlatmang!
O‘zbek kurashini nechta mamlakatda bilishadi?
Shahram G‘iyosov prof boksdagi 2-jangida ham g‘alaba qozondi, Murodjon Ahmadaliyev esa raqibini nokautga uchratdi
Alisher Usmonovning jiyani Ganya milliy liboslarda fotosessiya uyushtirdi
Shimoliy Koreyada qatl qilishga sababchi bo‘luvchi to‘rtta bema’ni holat
Xorazm viloyati hokimi vazifasini bajaruvchi tayinlandi
“Zuvola” asl qo‘shiqlar milliy tanlovining dastlabki g‘oliblari taqdirlandi
O‘zbekiston ikki oyda Qozog‘istondan salkam 0,5 mln tonna bug‘doy sotib oldi
«Samsung» birdaginga ikkita egiluvchan ekranli smartfon ishlab chiqaradi
O‘zbekistonda ta’limga davlat budjetidan katta mablag‘ ajratilmoqda. Unda nega ta’lim sifati past, sohada muammolar ko‘p?
Dollarning qiziqarli tarixi
Rossiyada Putinning reytingi tushib ketdi
Xitoylik harbiylarga ishga ovqat olib kelish va onlayn translyatsiya taqiqlanadi
KXDR yadro qurolini boshqa davlatlarga bermaslikka va`da qildi
GM Uzbekistan avtomobil yetkazib berishni tezlashtirishni va’da qilayotganlarga ishonmaslikka chaqirdi
O‘zbekistonda avtomobil raqamlari xalqaro raqamlarga almashtiriladi, barcha qog‘oz hujjatlar esa bekor qilinadi
ukumat uchun alohida mobil aloqa tizimi yaratiladi
iPhone X smartfoni Android’da ishlovchi barcha telefonlardan uch marta ko'proq daromad keltirdi
Nokia X’ning taqdimot sanasi ma’lum bo‘ldi
Foto: Samolyotlarning “yotoqxonalari”
Toshkentda ma’muriy binolar atrofidagi panjaralar olib tashlanmoqda
AQShlik bloger halokatga uchrayotgan samolyotda to‘g‘ridan to‘g‘ri translyatsiya uyushtirdi
«Telegram bloklanganidan keyin ham g'alaba qozondi»
Kelajak oziq-ovqati: 10 yildan keyin dunyo ahli nima tanovul qiladi
Манзура билан очиқ видеоинтервью: унга Тамиладан ҳам баттар муносабатда бўлишяптими?