O'zbekistonda qizilmiya ishlab chiqarish rivojlantiriladi

13.01.2017

1790

O'zbekiston 2017-2021 yillarda qizilmiya ishlab chiqarish uchun Qoraqalpog'istonda plantatsiyalar yaratish bo'yicha dasturni qabul qilishni rejalashtirmoqda. Bu haqda Uzdaily.uz xabar bermoqda.

Dastur “O'zbekiston Respublikasida qizilmiya ishlab chiqarishni ko'paytirish va uning sanoat qayta ishlanishini oshirish chora-tadbirlari to'g'risida”gi farmoni bilan qabul qilinadi. Loyiha interaktiv davlat xizmati Yagona portalida muhokama uchun e`lon qilindi.
Dastur doirasida qizilmiya mahsulotini tayyorlash uchun kvota hajmini aniqlash maqsadida qizilmiya ovlash tabiiy maydonlari xaritasini yaratish rejalashtirilmoqda.

Bundan tashqari, qizilmiya yetishtirish uchun sanoat plantatsiyalarini yaratish mumkin bo'lgan bo'sh yer maydonlari belgilab olindi.
O'zbekiston rahbari yangi industrial plantatsiyalar yaratish va tabiiy hududlarda, shuningdek sanoat plantatsiyalarida qizilmiya ishlab chiqarishning kutilayotgan hajmi bo'yicha takliflarni qayta ishlab chiqishga ko'rsatma berdi.

Dastur doirasida yangi turdagi tayyor ekportga yo'naltirilgan mahsulot ishlab chiqarish texnologiyasini ishlab chiqish bo'yicha ilmiy tadqiqotlar ham o'tkaziladi.

Qizilmiya sanoat plantatsiyalarini yaratadigan fermer xo'jaliklari 2022 yilning 1 yanvariga qadar plantatsiyalar yaratish uchun ko'chat materiali (urug'lar, qalamchalar)ni tayyorlash bo'yicha yig'im to'lovi, bir qator soliqlar va majburiy ajratmalardan ozod etiladi. 
Shuningdek, ular uskuna, xom-ashyo, materiallar va butlash mahsulotlari (bojxona rasmiylashtiruvchi uchun yig'imlardan tashqari),

yespublikada ishlab chiqarilmaydigan va Vazirlar Mahkamasi tomonidan tasdiqlangan ro'yxat bo'yicha loyihalarni amalga oshirish doirasida olib kiriluvchi qurilish mahsulotlari uchun bojxona to'lovlaridan ozod etiladi.