O'zbekistonda uchta yangi xususiy telekanal ochiladi

O'zbekistonda yaqin vaqt ichida uchta yangi xususiy telekanal ochiladi, deb xabar berdi Sputnik.

Elektron ommaviy axborot vositalari Milliy assotsiatsiyasi boshqaruv raisi Firdavs Abduholiqovning so'zlariga ko'ra, elektron OAV faoliyatini tartibga solishga javobgar bo'gan maxsus hukumat komissiyasi o'tgan hafta oxirida uchta yangi kanalga faoliyat olib borishi uchun litsenziya taqdim etgan.

"Bu uchta yangi telekanal bo'ladi. Birinchi - "Zo'r TV" , shuningdek "Futbol" maxsus telekanali va "Karavan TV" telekanali ham paydo bo'ladi. Bizning ushbu uchta kanal mamlakat teleefiriga yanada rang-baranglik qo'shishiga ishonchimiz komil", - ta`kidlab o'tdi Firdavs Abduholiqov.

O'zbekistonda so'nggi besh yil davomida o'nlab yangi telekanallar ochildi - "Mahalla", "Dunyo bo'ylab", "Madaniyat va ma`rifat", "Oilaviy", "Diyor", "Kinoteatr", "Bolajon", "Milliy TV", Uzreport TV va boshqalar.

Ayni damda respublika analogli televideniyedan DVB-T2 shaklidagi yer usti raqamli teleuzatishga o'tmoqda. Raqamli televideniye bilan qamrab olingan aholi darajasi deyarli 90 foizga teng. 2011 yilning noyabrida MDH davlatlari orasida birinchi bo'lib HD shaklidagi yer usti uzatish telekanali - UzHD foydalanishga topshirildi.  

Respublika hududlarida raqamli multipleks tarkibida 12ta televizon va 4ta radiokanal translyatsiya qilinmoqda. Ular O'zbekiston milliy teleradiokompaniyasi tarkibiga kiradi. 


Комментарии (4) | Добавить: 23.01.2017
4. зарафшан9999 (24.01.2017 13:03)
Karavan karvon degani
3. Shaxboz_95 (24.01.2017 09:33)
Karavan nima degani?
2. shaxzod (24.01.2017 00:23)
Baribir viloylatlarda kursatmidi
1. NuR_KR (23.01.2017 21:30)
zo'ru qachon ishga tushadi
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]