У нас есть только
оригинальные песни

O'zbekistondagi mahalliy telekanallar horijiy eksklyuziv ko'rsatuvlarni namoyish etadi

calendar 29.08.2016
2273
O'zbekiston Milliy teleradiokompaniyasi (MTRK) tizimidagi telekanallarda horijiy ko'rsatuvlar ko'payadi. MTRK teleradioefirlarga chet ellik ishlab chiqaruvchilar mahsulotlarini joylash uchun litsenziya huquqini qo'lga kiritish bo'yicha import shartnomalarini tuzish huquqiga ega bo'ldi, bunda tender savdolari o'tkazilmaydi. Bu haqda Vazirlar Mahkamasining 23 avgustdagi qarorida aytilgan.Ma`lum qilinishicha, horijiy ishlab chiqaruvchilarning teleradiomahsulotlari milliy urf-odatlar va umummilliy madaniy qadriyatlarga mos bo'lishi nazorat qilinadi. Buning uchun MTRK badiiy kengashi mas`ul bo'ladi.Hujjatda qayd etilishicha, bu loyiha auditoriya talablaridan kelib chiqqan holda MTRK telekanallari efirlarini yuqori sifatli telemahsulotlar bilan to'ldirish zarurati tufayli joriy etilmoqda. Litsenziyali huquqni qo'lga kiritish bilan bog'liq harajatlar MTRKning ushbu maqsadlar uchun ko'zda tutilgan byudjYet va byudjYetdan tashqari mablag'lari doirasida amalga oshiriladi.Markaziy bankka tegishli banklar bilan birgalikda litsenzion huquqlarni harid qilish bo'yicha import shartnomalarga to'lovlarni amalga oshirish uchun mablag'larni horijiy valyutalarga konvertatsiya qilishni ta`minlash tavsiya etildi.O'zbekiston Milliy teleradiokompaniyasi tizimida 14ta telekanal («O'zbekiston», «Yoshlar», «Toshkent», «Sport», «Madaniyat va Ma`rifat», «Dunyo bo'ylab», «Navo», «Mahalla», «Kinoteatr», «Oilaviy», «Diyor», «UzHD», «Play TV» va «Bolajon»), 4ta radiokanal hamda 12 ta hududiy bo'linmalar mavjud.
Яндекс.Метрика