O'zbekistondagi mobil aloqa abonentlari soni ma`lum bo'ldi

26.01.2018

1707

2017 yilda mobil aloqa abonentlari soni 1,4 millionga ko'payib, 22,8 million kishini tashkil etdi. Bundan Axborot texnologiyalari va kommunikatsiyalarini rivojlantirish vazirligi ma`lumotlari darak bermoqda.

Respublika bo'ylab 2018 yilning yanvar holatiga ko'ra, bazaviy stansiyalar 22,2 mingga teng (2017 yilning shu davriga nisbatan qariyb 4 mingga ko'p).

Internet foydalanuvchilarining umumiy soni 20 million abonentga yetgan.

Internetga kirish tezligi 104 ming Mbit/s.dan oshdi.

Provayderlar uchun tashqi internet kanalidan foydalanish narxi 2,5 barobarga pasayib, 30,2 dollarni tashkil etdi.O'tgan yil davomida 2000 km atrofida optik-tolali aloqa liniyalari o'tkazildi.