O‘zbekiston narxlarni barqarorlashtirish uchun xorijdan salkam 30 ming tonna guruch sotib oladi

22.07.2018

858

O‘zbekiston inflyatsiyani jilovlash va ichki bozorda narxlarni barqarorlashtirish uchun xorijdan salkam 30 ming tonna guruch sotib oladi. Bu haqda Iqtisodiyot vazirligi ma’lum qildi.

Guruch importi joriy yil sentabriga qadar amalga oshiriladi.

Vazirlikka ko‘ra, 2018-yil yanvaridan iyunga qadar guruch narxlari 36,5 foizga oshgan. Bunga asosan qurg‘oqchilik va suv tanqisligi sabab bo‘lgani bildirilmoqda.

May oyida O‘zbekiston suv tanqisligi tufayli sholi maydonlarini 162 mingdan 90 ming gektargacha qisqartirishni rejalashtirgani ma’lum bo‘lgandi.