O‘zbekiston olimpiya terma jamoasi Xitoydan mag‘lubiyatga uchradi

05.01.2016

1050

O‘zbekiston olimpiya terma jamoasi 4-yanvar kuni Dubayda Xitoyga qarshi o‘rtoqlik o‘yini o‘tkazdi va mag‘lubiyatga uchradi.

Uchrashuvda xitoylik olimpiyachilar ikkita gol urdi. Dastlab birinchi bo‘limda Xiye Pengfei hisobni ochgan bo‘lsa, ikkinchi bo‘limning 78-daqiqasida Lui Bin Bin jamoasining ikkinchi golini kiritdi.

Samvel Babayan boshchiligidagi O‘zbekiston olimpiya terma jamoasi Qatarda bo‘lib o‘tadigan Osiyo chempionatiga tayyorgarlik ko‘rmoqda. Tayyorgarlik doirasida, shuningdek, Iordaniya olimpiya terma jamoasiga qarshi nazorat o‘yini o‘tkazilishi rejalashtirilgan. Mazkur o‘yindan keyin o‘zbekistonlik sportchilar Osiyo chempionatida ishtirok etish uchun Qatar poytaxti Doha shahriga uchib ketadi.

Osiyo chempionatini O‘zbekiston olimpiya terma jamoasi 13-yanvar kuni Janubiy Koreya termasiga qarshi o‘yin bilan boshlaydi.