O‘zbekiston Qozog‘iston kosmik yo‘ldoshlaridan suratlar sotib olmoqchi

25.09.2015

1520

O‘zbekiston Qozog‘istonning Yerni masofadan turib zondlash sun’iy yo‘ldoshlaridan kosmik suratlarni sotib olishga qiziqish bildirdi.

Toshkentdagi "O‘zbekiston — Qozog‘iston: savdo missiyasi” biznes-forumida "Kazkosmos” mutaxassislari ishtirokchilarga Qozog‘istonning Yerni masofadan turib zondlash bo‘yicha KazEOSat-1 va KazEOSat-2 kosmik qurilmalarining O‘zbekiston hududidagi imkoniyatlarini namoyish etdi.

Hamkorlik to‘g‘risidagi tegishli bitim 27-noyabr kuni Ostonada bo‘lib o‘tadigan "Qozog‘istonda koinot kunlari — 2015” III xalqaro seminarida imzolanishi kutilmoqda.