O‘zbekistonda 2016-yil 1-martdan Yo‘l harakati qoidalarining yangi tahriri kuchga kiradi

O‘zbekiston Vazirlar Mahkamasi Yo‘l harakati qoidalarining 2016-yil 1-martdan kuchga kiradigan yangi tahririni tasdiqladi. Bu haqda, O‘zbekiston hukumatidagi manbaga asoslanib, “Gazeta.uz” xabar bermoqda.

 

Yo‘l harakati qoidalari (YHQ) amaldagi tahriri 2000-yilda qabul qilingan, 2006, 2007, 2011 va 2013-yillarda unga o‘zgartishlar kiritilgan. Qoidalarning yangi talqini mamlakatda so‘nggi yillarda yuz bergan, xususan, avtotransport vositalari soni ko‘payishi va axborot-kommunikatsiya texnologiyalari rivojlanganishi bilan bog‘liq o‘zgarishlarni ma’lum ma’noda o‘zida aks ettirgan.

Yo‘l harakati qoidalaridagi asosiy o‘zgarishlardan biri sifatida Qoraqalpog‘iston Respublikasi Vazirlar Kengashi, viloyatlar va Toshkent shahar hokimligiga aholi yashash punktlarida ruxsat berilgan eng yuqori tezlikni soatiga 70 kilometr oshirishga ruxsat berish huquqi taqdim etilganini ko‘rsatish mumkin.

Mahalliy hokimlik organlari, agar yo‘l holati katta tezlikda harakatlanish imkonini bersa, Davlat yo‘l harakati xavfsizlik xizmati bilan kelishgan holda, yo‘llarning alohida qismlarida yoki alohida turdagi transport vositalari uchun alohida qatnov qatorlari (polosalari)da tegishli yo‘l belgilarini o‘rnatgan holda tezlik rejimini oshirishi mumkin.

Bundan tashqari, turar-joy va ularga yondosh hududlarda (uy-joy qurilgan hududlar oralig‘idagi yo‘llar)da transport vositalari soatiga 30 kilometrdan yuqori tezlikda harakatlanishi mumkin emasligi YHQning yangi tahririda belgilab qo‘yilgan.

Bolalar guruhini olib ketayotgan transport vositalarining tashkiliy jamlanmasi har qanday yo‘lda soatiga 60 kilometrdan yuqori tezlikda harakatlanishi taqiqlangan. Bundan buyon bolalarni yuk avtomobili kuzovida olib yurish taqiqlanadi.

“Gazeta.uz”ning qayd etishicha, O‘zbekiston aholi yashash punktlarida ruxsat berilgan tezlikning yuqoriligi bo‘yicha jahon bo‘yicha oldingi o‘rinlarda turuvchi mamlakatlardan biri hisoblanadi. Yevropa mamlakatlarida va ko‘plab rivojlangan davlatlarda aholi yashash punktlarining asosiy qismida avtotransport vositalari tezligi soatiga 50 kilometr bilan cheklangan.

Yangi YHQda navigatorlar va videoregistratorlardan foydalanish masalasi ham tartibga solingan. Hujjatda haydovchi transport vositasini boshqarish davomida avtomobilni ishlab chiqaruvchi korxona tomonidan avtomobilga o‘rnatilgan tele- va videomonitorlardan tele- yoki videodasturlarni tomosha qilish maqsadida foydalanishi mumkin emasligi aniq belgilab qo‘yilgan.

Tele- va videomonitorlarni salonning old qismiga o‘rnatish taqiqlangan, biroq bu taqiq navigatorlar va videoregistratorlarga, shuningdek, tashqi kuzatuv videokameralariga bog‘langan monitorlarga daxldor emas — qoidaga ko‘ra, mazkur vositalar haydovchi tomonidan atrof-yo‘lni kuzatishga xalal bermasligi kerak.

YHQning yangi tahririga muvofiq, transport vositasi haydovchisi harakatni boshlash arafasida yo‘lovchilarni xavfsizlik kamarini taqish haqida, mototsikl yoki mopedda harakatlanish vaqtida esa shlemni kiyish haqida ogohlantirishi kerak.

Kunning qorong‘u vaqtida va ko‘rish sharoiti og‘ir bo‘lgan holatda majburiy to‘xtashni amalga oshirganda, transport vositasini ta’mirlash maqsadida yo‘lning qatnov qismiga chiqayotgan haydovchi yorug‘lik qaytaruvchi nimcha kiyib olishi shart.

Avtobuslar va yo‘nalishli transport vositalari, shuningdek, mototsikllar va mopedlar kunning yorug‘ vaqtida ham yaqinni yorituvchi chiroqlarini yoqib yurishlari kerak.

Qoidalarga YHQning buzilishini maxsus avtomatlashtirilgan texnik vositalar yordamida foto- va videofiksatsiya qilinishi haqidagi tushuncha ham kiritilgan.

Ichki ishlar vazirligidan “Gazeta.uz”ga ma’lum qilishlaricha, Yo‘l harakati qoidalarining yangi tahriri vazirlik saytida e’lon qilinadi va barcha o‘zgarishlar haqida OAV orqali batafsil axborot beriladi. Bundan tashqari, keyingi bir oy davomida yangi tahrirdagi YHQ matnli ko‘rinishda chiqarilishi kerak.


Комментарии (1) | Добавить: 30.12.2015
1. login_snt (30.12.2015 20:04)
Gap yuq judayam zur
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Toshkentda oq qulupnay sotilmoqda
Yaxshi tayyorgarlik ko'ra olmagan Jahongir Otajonovning konsertni qanday o'tdi
Chiroyli sochlarning 5 dushmani
Tirsak va tizza terisiga yoshlikni qaytarish usullari
Forbes eng serdaromad futbolchilar kimligini ma`lum qildi
Chempionlar ligasi finali ilk bor tomi yopiq stadionda o'tkaziladi
Balotelli: "Oltin to'p"ni yutishim uchun Messi va Ronalduni o'ldirishim kerak
Shoygu o'zbekistonlik hamkasbiga G'alaba Bayrog'i nusxasini topshirdi
Organizmni tozalashga yordam beruvchi mahsulotlar nomi ma`lum qilindi
Ofis xodimlari uchun oddiy mashqlar to‘plami
Ertalabki shoshma-shosharlikni yengishning 9 ta yo‘li
Ramazon oyida to'g'ri taomlanish uchun foydali maslahatlar
TOP-7: Eng qimmatbaho mobil telefonlar
Samsung allaqachon «Star» nomli Galaxy S9 ustida ish boshlagan
Joriy yil uchun zakot, fitr sadaqa va fidya miqdori belgilandi
Tvorog insult va infarktning oldini olishda foydali
Internet orqali mahsulot xarid qilishda ehtiyot bo'ling
Markaziy bank boshqaruvi kimga o'tdi?
Usmonov Navalniyga qarshi: Shovqin kuchaymoqda
Ronalduga ancha ko'proq muddatga qamoq jazosi tahdid solmoqda
Sizga yoqmagan odamlar bilan qanday ishlash kerak?
Rossiyaning 200 va 2000 rubllik yangi banknotalari chiqariladigan sana ma`lum qilindi
Forbes: Rossiyaning eng badavlat merosxo'rlari reytingi
Jizzaxda “Barkamol avlod-2017” sport musobaqalariga start berildi
Uyqusizlikdan qutulishning 5 usuli
Uyda muzdekkina yaxna choy tayyorlaymiz
Mail.ru Group yangi messenjerni ishga tushirdi
Farrux Zokirov: Botir akam — ijodiy vijdonim
Tailand poytaxti kuchli jala tufayli suv ostida qoldi
Shavkat Mirziyoyev Shayxontohur tumaniga tashrif buyuradi