O‘zbekistonda hokimlar lavozimiga saylab qo‘yiladigan bo‘lishi mumkin

O‘zbekistonda kelajakda hokimlar saylov yo‘li bilan tayinlanishi mumkin. Ushbu masalani muhokama qilish taklifi bilan saylangan Prezident Shavkat Mirziyoyev chiqish qildi, deb yozadi “Gazeta.uz”.

“Mahalliy hokimlarning bevosita xalq tomonidan saylanishi masalasini o‘ylab ko‘rishimiz va muhokama qilishimiz kerak”, — dedi mamlakat rahbari Konstitutsiya qabul qilinganiga 24-yil to‘lishi munosabati bilan o‘tkazilgan tantanali yig‘ilishda nutq so‘zlayotib.

“Agar har bir hudud o‘z rahbarini o‘zi saylasa, rahbarlarning xalq va jamoatchilik oldidagi mas’uliyati keskin oshishiga erishish mumkin”, — dedi Shavkat Mirziyoyev.

Hozirgi paytda viloyatlar va Toshkent shahri hokimlari Prezident tomonidan lavozimiga tayinlanadi va undan ozod etiladi.

Shavkat Mirziyoyev bugungi va ertangi kun talablaridan kelib chiqib, davlat boshqaruvi tizimini takomillashtirish zarurligini ta’kidladi.

U 2017—2021-yillarga mo‘ljallangan O‘zbekiston Respublikasida ma’muriy boshqaruv sohasini isloh qilish konsepsiyasi tayyorlanayotganini ma’lum qildi.


Комментарии (0) | Добавить: 08.12.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]