“O‘zstandart”ga Aktam Hayitov bosh direktor etib tayinlandi

16.10.2016

1277

O‘zbekiston standartlashtirish, metrologiya va settifikatlashtirish agentligi (“O‘zstandart”) bosh direktori etib Aktam Hayitov tayinlandi, deya xabar bermoqda“Gazeta.uz” hukumatdagi manbalariga tayanib.

Aktam Hayitov (1974-yilda tug‘ilgan) — Samarqand kooperativ instituti bitiruvchisi. 2010-yil martidan 2014-yil iyuligacha O‘zbekiston mehnat va aholini ijtimoiy muhofaza qilish vaziri bo‘lib ishlagan, so‘ng — 2014-yil sentabridan “Biokimyo” aksiyadorlik jamiyatida iqtisodiyot va rejalashtirish bo‘yicha direktor bo‘lgan.

“O‘zstandart” rahbari lavozimida u 2012-yil iyunidan buyon ishlab kelayotgan Abdusalom Qurbonov o‘rnini egalladi.