Ochiq dengizda 27 kun qolib ketgan ota va uning 6 yoshli qizi haqiqiy jasorat ko'rsatishdi

Yangi Zelandiyada yashovchi Alan Lengdon o'zining 6 yoshli qizi Key bilan birga 27 kunni ochiq dengizda, ta`mirtalab olti metrli katamaranda o'tkazdi. Ota-bola Tasman dengizini kesib o'tib, Avstraliyaga kelib qolishdi. RNZ nashrida shu haqida xabar berildi.

Lengdon va uning qizi 17 dekabr kuni Yangi Zelandiyadagi Koxiya bandargohini tark etishdi. U aslida mamlakat shimoli-sharqidagi Bey-of-Aylends bo'g'ozigacha yetib olishni rejalashtirgandi, biroq kutilmaganda to'fon ko'tarildi. Buning natijasida katamaranning bir ruli sinib qoldi va uni boshqarish qiyinlashdi.

Foto: ABC News Greg Nelson

Lengdonning quruqlikdagilar bilan bog'lanish imkoni bo'lmagan, shu bois sayohat boshlanganidan to'rt kun o'tgach, Keyning onasi, Arian Vayler (Lengdonning sobiq turmush o'rtog'i) ota-bolaning yo'qolgani haqida xabar bergan. Shundan so'ng hukumat vakillari katamaranni izlashga kirishishdi va bu haqida Interpolni ham xabardor qilishdi. Bu vaqt esa Lengdon qizi bilan 2600 kilometrni bosib o'tgandi.

Kemani Avstraliyaga yo'naltirish g'oyasi Yangi yildan keyin paydo bo'ldi, zero Lengdon va Key Yangi yilni bortda qarshi olishlariga to'g'ri keldi. 

"Men taxminan Avstraliyaga borishimizni va bizga toza suv yetishini bilardim. Bu masala vaqt talab qilardi va men bu jarayonni tezlashtirishni istamadim".

Alan Lengdon

Sayohat davomida ota-bola oziq-ovqat va suv tanqisligini sezishmagan, zero Lengdon, tajribali sayyoh va dengizchi sifatida har ehtimolga qarshi ularni g'amlab qo'ygan edi. Shu sababli ota-bola 2017 yilning 10 yanvarida Sidneydan 230 kilometr masofada joylashgan Avstraliyaning Ulladulla portida to'xtashdi.

Ular yetib kelgunga qadar Keyning onasi Avstraliyada bolalar reabilitatsiyasi bo'yicha mutaxassisni yolladi. Mutaxassis Lengdon atayin shunday qilgan bo'lishi mumkinligini taxmin qildi. Bundan avval ham Arian Vayler xuddi shu mutaxassisni yollashiga to'g'ri kelgandi - o'shanda Lengdon Yangi Zelandiyadagi qishloq joyda qizi bilan bir yilga qolib ketgandi. Shu bois ayol sobiq erining Avstraliyaga katamaranda borishi mumkinligiga ishongan.

"U dengizni yaxshi biladi, shamolni tushunadi, bu narsalarning bari unga tanish. U juda qobiliyatli inson. Muammoli vaziyatlarda qanday yo'l tutishni biladi".

Arian Vayler, Key Lengdonning onasi

"G'oyib bo'lgan" ota-bola Avstraliyaga yetib kelganda Vayler hukumat vakillariga yordam uchun minnatdorchilik bildirdi. Biroq ayol tomonidan yollangan bolalar reabilitatsiyasi mutaxassisi Lengdon sud oldida javob berishi kerakligini aytdi. Nima uchun deysizmi? Avstraliya hududiga noqonuniy yo'l bilan kirib kelgani uchun! Mamlakat hukumati bu masalani o'rganib, ko'rib chiqishga va`da berdi. 

Nelsonlik tajribali yaxtachi Alan Patti ota-bolaning sayohatini izohlab berdi. Uning so'zlariga ko'ra, Lengdonning katamarani sifatli materialdan yasalgan va shu bois Yangi Zelandiyadan Avstraliyagacha yo'l bosa olgan. Biroq Alan Patti Lengdonning o'zi bilan birga 6 yoshli qizchani sayohatga olib ketganini yoqlamadi.

"Aytishim mumkinki, ob-havo haqiqatda juda yomon bo'ldi, lekin buni hech kim aniq tasdiqlay olmaydi. Aftidan, u professional dengizchi ko'rinadi. Biroq bunday sayohatga 6 yoshli bolani olib chiqish aqlga sig'maydi".


Комментарии (0) | Добавить: 13.01.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Muhammad payg‘ambar (s.a.v.) sevgan 10 ta oziq-ovqat
Shohruhxon va Asal Shodiyevadan yangi fotosessiya
Apple’ning yangi egiluvchan smartfoni haqida batafsil ma’lumotlar paydo bo‘ldi
Moskva sudi Telegram’ni FXX talabini bajarmagani uchun 14 ming dollar jarimaga tortdi
Ramzan Qodirov shayx Muhammad Sodiq Muhammad Yusuf hazratlari​ning qabrini ziyorat qildi
Qirg'izistonning yangi prezidenti Sooronboy Jeenbekov, uning oilasi va qarindoshlari haqida nimalar ma`lum?
Qanday qilib uyqudan yaxshi kayfiyat bilan uyg‘onish mumkin?
Qualcomm Xitoyda iPhone ishlab chiqarishni taqiqlashni talab qildi
Alisher Usmonov o'z samolyotini O'zbekiston prezidentiga ijaraga bergan
Mirziyoyev elektr energiyasi va tabiiy gaz bo'yicha yig'ilish o'tkazdi
BMT: dunyoda 815 mln odam och qolmoqda
Shakardan voz kechishning 3 usuli
Jahon chempionati uchrashuvini ilk marta ayol hakam boshqaradi
Neymar eng yaxshi futbolchi sifatida Messini ortda qoldirdi
Telegram’ning rus tilidagi yangi versiyasi ishga tushdi
Sirdaryoda 2 nafar fuqaroning noqonuniy baliq ovlashi salkam 25 mln so‘mga tushdi
Dubay aeroportida yuzni aniqlovchi virtual tunnel-akvarium paydo bo‘ladi
Telefon suvga tushsa nima qilish kerak?
Hindistonda oq yo'lbarschalar park xodimini g'ajib tashladi
O'zbekiston​ 2020 yilgi MDH raisligiga da`vo qilmoqda
Las-vegaslik merganning miyasi o'rganildi
Messi tarixga kirdi
Miyani chiniqtiruvchi 5 ta jismoniy mashq
Bo‘ysunmaydigan sochlarni qanday uddalash mumkin?
Shavkat Mirziyoyev Sochiga jo‘nab ketdi
Turkmanistonda gaz, elektr va suvdan bepul foydalanish bekor qilinadi
FIFA prezidenti Infantino Maradona va Messini taqqoslab ko'rdi
Putin bir-biriga juda o‘xshash bo‘lgan gubernatorlarni tayinlashda davom etmoqda
Milliy xavfsizlik xizmati bir necha yirik valyutafurushlarni qo'lga oldi
Uyi yoki mashinasini dollarda sotganlarga qanday jazo bor?