“Odnoklassniki” O'zbekistonda yangi messenjerni ishga tushiradi

Yaqin oylarda “Odnoklassniki” ijtimoiy tarmog'i “OK Xabarlar” nomli o'z messenjerini ishga tushirishni rejalashtirgan. Messenjer mobil uskunalar uchun mo'ljallangan. Bu haqda rewiev.uz xabar bermoqda.

Loyiha mualliflarining so'zlari bo'yicha, messenjer deyarli barcha vazifalarni bajara oladi. Unda shaxsiy va guruhli suhbatlar, suhbatlarga telefon aloqalar kitobidan tanishlarni taklif etish, fayllar (jumladan, foto-, audio-, videofayllar) almashish imkoniyati mavjud. Barcha suhbatlar smartfonning o'zida saqlanadi. Internetga ulanmagan paytda yozilgan xabarlar, tarmoqqa ulangan zahoti avtomatik tarzda yuboriladi. 

Messenjer orqali audio- va videoaloqa o'rnatish funktsiyasi bor-yo'qligi hali aniq emas. Shuningdek, xabarlarni shifrlash to'g'risida ham ma'lumot berilmagan. 

Xizmat bepul va reklamalarsiz taqdim etilishi rejalashtirilmoqda. 

“Odnoklassniki” ijtimoiy tarmog'i matbuot kotibi Anastasiya Jbanovaning so'zlariga ko'ra, "Android” uchun mo'ljallangan ushbu messenjer ayni paytda O'zbekiston, Qirg'iziston, Tojikiston va Bolgariyada sinovdan o'tkazilmoqda. "iOS” uchun esa faqatgina O'zbekistonda tajriba qilinmoqda. Rossiya bozoriga messenjer ikki oy davomida chiqishi mumkin. 

“OK Soobshcheniya” foydalanuvchilari rus tilidan tashqari, ingliz, o'zbek va tojik tillarida muloqot qilish imkoniga ega bo'ladi.


Комментарии (1) | Добавить: 02.05.2016
1. DesigneR (02.05.2016 17:42)
O'zbekistonda , Qirg'izistonda ishlayabdi !
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]