ҚОМАТНИ РАСО ҚИЛУВЧИ 15 ДАҚИҚАЛИК 15 ТАВСИЯ

15 дақиқа бўш вақт пайдо бўлди, хўш уни қандай сарфлаймиз? Севимли сериалимизни ўтказиб юбормаслик учун кераксиз рекламани томоша қилиш, ярим соатлаб телефонда беҳуда гап сотиш ёки ижтимоий тармоқларда кимларнингдир суратларига “like” босишга кетказилган вақтимизни ҳеч қачон беҳуда сарфладик деб ҳисобламаймиз. Аммо мана шу дақиқалардан қоматимиз гўзаллиги учун фойдалансак ҳам бўларди-ку... Келинг,  бефойда одатларимизни қоматимизга нафи тегадиганларига ўзгартирамиз.

1. Сакроғич мушкулингизни осон қилади.

Кунига 15 дақиқа сакроғичда сакрасангиз, 145 килокаллориядан халос бўласиз. Астойдил ҳаракат қилсангиз, 15 кунда нақд 2 килограмм ёғдан халос бўлишингиз мумкин.

2. Иккитаси бирда.

Рақсга тушишни ёқтирмайдиган инсон бўлмаса керак. Ҳам севимли, ҳам фойдали машғулотингизни ҳар куни бажаришга нима дейсиз? Айниқса, 15 дақиқа фаол рақс 130 ккал.дан халос этишини билганингиздан кейин, бу машғулотга муносабатингиз ўзгариши турган гап. Аммо ортиқча вақтим йўқ, деб баҳона қила кўрманг. “Каловини топсанг, қор ҳам ёнади”. Масалан, таом тайёрлай туриб ҳам рақсга тушса бўлади-ку.

3. Эринчоқлик қилманг.

Ҳар қандай уй юмушини ҳам ортиқча сантиметрлардан халос қилувчи машғулотга айлантириш мумкин. Масалан, 15 дақиқа тинмай энгашиб пол артсангиз 56 ккал. дан халос бўласиз. Худди шунча муддат қўлда кир ювиш ҳам 64 ккал.дан қутулишга ёрдам беради.

4. Тез юришга тобингиз қалай?

15 дақиқа жадал тезликда юриш  билан 111 ккал.ни йўқотиш имконини қўлдан бой берманг!

5. Реклама танаффуси мобайнида 75 ккал.дан халос бўлишга нима дейсиз?

Севимли сериалингиз орасидаги реклама танаффуслари вақтида қориндаги ёғлардан воз кечинг. Бунинг учун туриб, юриш, оила аъзоларингиз олдида ҳижолат қилиши мумкин бўлган ҳаракатларни амалга ошириш шарт эмас. Шунчаки, бурун орқали қорнингизни тўлдириб нафас олинг, 10 сония ушлаб туринг ва оғиз орқали чиқаринг. Бу машқ қорин мушакларни ҳаркатлантиради, танани кислород билан таъминлайди ва ортиқча 75 ккал.дан халос этади.

6. Юқори қаватда яшайман дейсизми?

Ахир бу ажойиб-ку! Бу ҳолатдан унумли фойдаланиб қолмасангиз чиндан ҳам танбал экансиз! Кунига 15 дақиқа зинадан чиқиб тушсангиз 113 ккал.лар сизни тарк этишини биласизми?

7. Хипча бел бўламиз!

Бел ва бўкса соҳасида ортиқча сантиметрлардан эса чамбарак (обруч) ёрдамида халос бўлиш мумкин. Кунига атиги 15 дақиқа айлантириб 115 ккал.дан холи бўлишга тобингиз қалай?

8. Бозорга борамиз!

Аёлларнинг энг севимли машғулотини фойдалига айлантириш имкони бор! Замон шунчалик ривожланиб боряптики, бозорга боришнинг ҳожати қолмагандек. Негаки,  керакли буюмларни ишхонага келтириб сотишади ёки интернет орқали буюртма қилиб қўя қоламиз. Аммо бир соатгина вақтингизни дўкон айланишга сарфласангиз ҳам 250 ккал.дан халос бўласиз, ҳам танлаш имкониятингиз кенглигини кўриб руҳингиз тетиклашади. 

9. Таомномангизни ўзгартиринг.

Агар, овқатланиш тартибини ўзгартирмай, фақат машқлар орқали сезиларли натижага эришиш мумкин, деб ўйласангиз хато қиласиз. Таомномангизга оқсилга бой маҳсулотларни киритинг. Масалан, нонуштага сули ёрмасидан тайёрланган бўтқа ёки қайнатилган тухум тановул қилишга одатланинг. 

10. Ҳар бир воситадан унумли фойдаланинг.

Шу жумладан қўл телефонингиздан ҳам! Бугунги кунда қўл телефонлари учун озишда ёрдам берувчи дастурлар бисёр. Ана шулардан бирини кўчириб олиб, кундалик истеъмол қилган таомларингизни ёзиб боринг. Организм очлик туфайли стрессга тушиб қолмаслиги учун белгиланган меъёр —  250 ккал.дан камроқ таом истеъмол қилсангиз, бир ойда 1 килограммгача ортиқча вазндан қутилишингиз мумкин.

11. Сайр қилишга одатланинг.

Биринчидан, бу жисмоний машқ эмас, ўзингизни мажбурлаб бажаришга хожат йўқ. Иккинчидан, шиддатли машқлардан кейин қорин тез очади, сайр қилганимизда эса очлик ҳисси безовта қилмайди. Натижада ҳам каллорияларимизни кетказамиз, ҳам камроқ таом тановул қиламиз.

12. Моддалар алмашинувини жадаллаштирувчи 15 маҳсулотни таомномангизга киритинг.

Цитрус мевалар, кўк чой, сут ва сут маҳсулотлари, бодом, ёғсиз товуқ гўшти, олма, исмалоқ, қизил ловия, карам, гулкарам, сули ёрмаси, аччиқ қалампир, помидор, саримсоқ, кўкатлар, денгиз маҳсулотлари (хеч бўлмаганда, денгиз карамидан тайёрланган салат) албатта дастурхонингизда бўлсин.

13. Контраст душ қабул қилинг.

Бу амалиёт ҳам моддалар алмашинувини яхшилайди. Иссиқ ва совуқ сув таъсирида қон айланиши тезлашади, натижада ички аъзоларга фойдали моддалар тезроқ етиб боради. Қувонарлиси, ортиқча ёғлар танани тезроқ тарк этади.

14. Овқатдан аввал бир пиёла илиқ сув ичинг.

Буни қарангки, бир дона ёғ молекуласини эритиш учун тўртта сув молекуласи керак бўлар экан. Агар организмга сув етишмаса, ёғларнинг эриш жараёни секинлашади. Сув эса қоринни тўқ тутиб, меъёрдан ортиқ таом истеъмол қилишнинг олдини олади. Аммо бу сув газланмаган бўлиши лозим. Кўпчилик яхши кўрадиган газли сув тиш эмалини емириб, қоринни дам қилади, ошқозон-ичак тизими фаолиятининг издан чиқишига сабаб бўлади. Озишни истасангиз, газли сувдан воз кечинг.

15. Мириқиб кулинг.

Олимлар киши 15 дақиқа мириқиб кулса, 50 килокалориядан халос бўлишини таъкидлашмоқда. Кундалик кулгу терапияси 1 ойда 0,5 килограммдан халос этиши мумкин. Кунига биттадан комедик фильм ёки кўрсатув томоша қилганингизда бир километрлик масофага сайр қилгандек бўласиз. 


Комментарии (0) | Добавить: 06.10.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

Turkmaniston Prezidenti Mustaqillik va ezgulik monumenti poyiga gul qo'ydi
Agar siz ishlagan tashkilot tugatilgan bo‘lsa, pensiya uchun ma’lumotnoma qanday olinadi?
O‘zbekistonda budjet xarajatlarining uchdan bir qismi ijtimoiy nafaqaga yo‘naltiriladi
O'zbekistonda dollarning rasmiy kursi yana tushdi
Tojikiston O‘zbekistonga shimoliy yo‘nalishda elektr energiyasi yetkazib berish imkoniyatini ko‘rib chiqmoqda
Yulduz Usmonova Nukusda konsert beradi
Хонанда Умидахон турмушга чиқяпти. Куёв ким?
Toshkentdagi Botanika bog‘i 9-maygacha yopildi
Gurbanguli Berdimuhamedov O'zbekistonga keldi
GM Uzbekistan Chevrolet Orlando ishlab chiqarishni to'xtatdi
Shavkat Mirziyoyevning xalqaro tashriflari: sarhisob va keyingi davlatlar
Mana bu tish pastalarini aslo ishlatmang!
O‘zbek kurashini nechta mamlakatda bilishadi?
Shahram G‘iyosov prof boksdagi 2-jangida ham g‘alaba qozondi, Murodjon Ahmadaliyev esa raqibini nokautga uchratdi
Alisher Usmonovning jiyani Ganya milliy liboslarda fotosessiya uyushtirdi
Shimoliy Koreyada qatl qilishga sababchi bo‘luvchi to‘rtta bema’ni holat
Xorazm viloyati hokimi vazifasini bajaruvchi tayinlandi
“Zuvola” asl qo‘shiqlar milliy tanlovining dastlabki g‘oliblari taqdirlandi
O‘zbekiston ikki oyda Qozog‘istondan salkam 0,5 mln tonna bug‘doy sotib oldi
«Samsung» birdaginga ikkita egiluvchan ekranli smartfon ishlab chiqaradi
O‘zbekistonda ta’limga davlat budjetidan katta mablag‘ ajratilmoqda. Unda nega ta’lim sifati past, sohada muammolar ko‘p?
Dollarning qiziqarli tarixi
Rossiyada Putinning reytingi tushib ketdi
Xitoylik harbiylarga ishga ovqat olib kelish va onlayn translyatsiya taqiqlanadi
KXDR yadro qurolini boshqa davlatlarga bermaslikka va`da qildi
GM Uzbekistan avtomobil yetkazib berishni tezlashtirishni va’da qilayotganlarga ishonmaslikka chaqirdi
O‘zbekistonda avtomobil raqamlari xalqaro raqamlarga almashtiriladi, barcha qog‘oz hujjatlar esa bekor qilinadi
ukumat uchun alohida mobil aloqa tizimi yaratiladi
iPhone X smartfoni Android’da ishlovchi barcha telefonlardan uch marta ko'proq daromad keltirdi
Nokia X’ning taqdimot sanasi ma’lum bo‘ldi