Россиянинг Омск теплотрассасида қўл-оёқлари қаттиқ музлаган ҳолдаги хорижлик аниқланган, деб хабар бермоқда Топ55 нашри.
Русчани билмайдиган эркак шифохонага олиб борилган. У ерда эркакнинг исми Петер Конторал эканлиги, у Омскка Мадриддан келгани аниқланган. Испаниялик сайёҳ Омск вилоятидаги қишлоқлардан бирида уйи борлигини айтган.
Шифохонада хорижликнинг бир неча бармоқлари қорасон (гангрена) бошлангани туфайли олиб ташланган.
Эркакнинг маълум қилишича, у умр бўйича сайёҳлик билан шуғулланган ва деярли Европанинг ярмини пиёда босиб ўтган.