Қорақалпоғистонлик йигит қандай қилиб Facebook ходимига айланганини айтиб берди

Қорақалпоғистонлик ёш йигит Азиз Муртазоев қандай қилиб Facebook’га ишга кирганини айтиб берди. Ҳозирда у компаниянинг Лондондаги идорасида ишлайди. Яқинда қозоғистонлик видеоблогер Kuan7777 ўзининг You Tube’даги каналида Азиз билан бўлган интервьюни жойлаштирди. 

“Мен Нукусда туғилиб, вояга етдим. Бу шаҳарда мактаб йилларим ўтди. Ёшлигимдан математикага қизиқиб келдим. Турли олимпиадаларда қатнашдим. Шунингдек, инглиз тилини ўргандим. Қайсидир соҳани танлаш керак бўлган пайт мен Ўзбекистон Миллий университетининг иқтисодиёт факультетига топширдим. Аввалига менга барчаси қизиқ туюлди, кейин эса гуманитар фанлар мен учун эмаслигини тушуниб етдим. Бир куни учинчи босқичда курсдошларимдан бири талабалар учун бепул дастурлаш курси очилаётганини айтиб қолди. Бир неча дарслардан сўнг дастурлаш бошқаларга нисбатан айнан мен қизиққан соҳа эканлигини англадим. Уч ойли курсдан сўнг бизда якуний лойиҳалар ўтказилди. Лойиҳалар натижасига кўра, Тошкент компаниялари амалиёт ўташ учун талабаларни танлаб олишди. Шундай қилиб, мен компанияларнинг бирига қабул қилиндим ва у ерда 6 ой ишладим. Бу эса менга қимматли тажриба бўлди. Ўқишимни тугатгач, ким бўлиб ишлайман, деган савол мен қийнарди. Мен АТ компанияларининг бирида ишлашга қарор қилдим”. 


“Мен Тошкентдаги Америка компаниясига ишга жойлашдим. У ерда амалиёт бўйича катта билимларга эга бўлдим. Бироқ икки йиллик иш жараёнидан сўнг, менга компьютер соҳасининг назарий асослари етишмаётганини ҳис қилдим. Компьютер соҳаси мутахассислиги бўйича магистратурага топширдим. Турли мамлакатлардаги университетларга ҳужжат топшириб, натижада Кореянинг Ажу университетига кирдим. Беш ярим йил Жанубий Кореяда ўтган йиллар ҳаётимдаги энг муҳим кунларга айланди. Икки йил магистратура таълимидан сўнг танловдан ўтиб, Samsung Electronics жамоасига қабул қилиндим. Биз Samsung флагман телефонлари учун фойдаланувчи интерфейсини ишлаб чиқдик. Samsung Electronics’да умумий ҳисобда 3,5 йил фаолият олиб бордим. Ўша вақт мен ўзим учун янги тажриба, янги иш кераклигини ҳис қилдим”.

"Facebook билан бир қаторда Amazon компаниясига ҳам резюме топширдим. У ерда ҳам мен барча синовдан ўтиб, ишга таклиф қилиндим. Бироқ мени Facebook’даги иш кўпроқ қизиқтирди. Бир йил аввал мен компаниянинг Лондондаги офисида ишлай бошладим. Бу ерда қарийб 800 киши ишлайди. Иш учун шароит ажойиб. Иш самарадорлиги учун барча таомлар, ичимликлар бепул берилади. Биз бошқа идораларга ўхшаб эрталабдан кечгача ишламаймиз. Ишга исталган вақтда келиш мумкин, ҳаттоки, уйдан туриб ҳам ишлаш мумкин. Идорада биз учун ўйин хоналари, дам олиш ҳудудлари мавжуд. Компания ходимлар кўнглини тўлдириш ва уларнинг иш самарадорлигини сақлаб қолиш учун барча ишларни амалга оширади".“Бир куни Facebook’да рекрутер чиқиб, менга компанияда ўз кучимни кўрсатишни таклиф қилди. Сизга маълумки, Facebook дастурчилар учун энг яхши компания саналади. Албатта, бу таклиф мени қизиқтириб қўйди. Скайп орқали турли интервьюлар ташкил қилинди. Ҳар бири 60 дақиқа давом этди, илк 15 дақиқа улар мен ҳақимда ва тўплаган тажрибам тўғрисида сўрашди. Кейин эса алгоритмли вазифалар йўллашди. Биринчи интервью жуда яхши ўтди, иккинчиси эса мен кутгандек осон кечмади. Улар асосан менинг Android тизимига бўлган қизиқишим ва шахсий тажрибамни ҳисобга олишганини таъкидлашди. Мен ўша вақт дастур яратдим ва уни Google Play’га жойлаштирдим. Уларга дастур жуда ёқди ва мени Калифорниядаги Facebook бош офисига таклиф қилишди: менинг яшашим, парвоз қилишим учун барча харажатларни кўтаришди. Бош офисда мен бирданига 4 етакчи мутахассис билан суҳбат қурдим. Натижада менга қувончли хабарни етказишди ва мен ишга қабул қилиндим".

"Facebook’га ишга кириш осонми? Жавоб қуйидагича: мукаммал бўлишга интилиш керак. Икки йил аввал мен бу ерда ишлашим мумкинлигини тасаввур ҳам қила олмасдим. Олти йил аввал мен Жанубий Кореяда таҳсил олишим ва Samsung’да ишлашимни хаёлимга ҳам келтирмаган эдим. Саккиз йил аввал, дастурчи эмас, иқтисодчи бўламан деб юрардим. Барчаси ўзгача тус олди, муҳими, ўзликни қидириш, янги билимларни излаш. Мен Нукуслик оддий йигитман ва буни уддасидан чиқдим. Сиз ҳам бунга эриша оласиз. Муҳими, бунга ишониш ва ўз устида ишлаш".

 


Комментарии (3) | Добавить: 18.09.2016
3. pin456 (22.09.2016 13:15)
Красава так держать
2. login_snt (19.09.2016 20:08)
Молодец удачи...
1. pin456 (19.09.2016 05:52)
Маладец красава так держать
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

iPhone X smartfoni Android’da ishlovchi barcha telefonlardan uch marta ko'proq daromad keltirdi
Nokia X’ning taqdimot sanasi ma’lum bo‘ldi
Foto: Samolyotlarning “yotoqxonalari”
Toshkentda ma’muriy binolar atrofidagi panjaralar olib tashlanmoqda
AQShlik bloger halokatga uchrayotgan samolyotda to‘g‘ridan to‘g‘ri translyatsiya uyushtirdi
«Telegram bloklanganidan keyin ham g'alaba qozondi»
Kelajak oziq-ovqati: 10 yildan keyin dunyo ahli nima tanovul qiladi
Манзура билан очиқ видеоинтервью: унга Тамиладан ҳам баттар муносабатда бўлишяптими?
Президент фармони: Янги давлат мукофоти таъсис этилди
Qirg‘izistonlik o‘ymakor usta Qur’oni karimning 20 oyatini yog‘ochga o‘yib yozdi
AQSh Xitoyga qarshi yangi savdo cheklovlarini tayyorlamoqda
Yuridik ma`lumotga ega bo'lmay qayta tayyorlashdan o'tib yuridik xizmatda ishlash mumkin bo'ladi
Toshkentda 1-maydan sovuq suv narxi oshadi
1 iyuldan boshlab O'zbekistonda kobeyjing kartalari ishlab chiqariladi
Moskvada havo harorati 70 yillik rekordni yangiladi
Durov Rossiyada «Telegram» bloklanishiga munosabat bildirdi
Yaponiya korporatsiyasi O‘zbekistonda benzin ishlab chiqaradigan zavod quradi
Shavkat Mirziyoyev yana sobiq Bosh prokurorni esladi
AQSHda 522 kiloli pirog tayorladi
«Titanik» qoldiqlari auksionda sotilmoqda
Telegram o'rniga «TamTam». Foydalanuvchilar yangi messenjerga ko'cha boshladi
Rossiya Telegram'ning kulini ko'kka sovurmoqchi: App Store va Google Play’ga talab yuboriladi
«PSJ» yetti karra Fransiya chempioni bo‘ldi
Ayol-qizlar o‘rtasidagi Qur’on musobaqasining respublika bosqichi 25—26-aprel kunlari Toshkentda bo‘lib o‘tadi
Opera VPN servisi aprel oxirida yopiladi
Toshkentda mast erkakning puli, telefoni va poyabzalini olib ketgan o‘g‘ri ushlandi
Tramp Suriyadagi Rossiya obyektlariga zarba berish imkoniyatini ko‘rib chiqqan
Pop tumanida namunaviy jamoatchilik nazorat maskani ishga tushdi
«Manchester Siti» Angliyaning 5 karra chempioni
Qur’on musobaqasining final bosqichi o‘tadigan joy va sanalar aniq bo‘ldi