Osiyoda ingliz tilida so'zlashuvchi mamlakatlar soni yana bittaga ko'payadi

03.09.2018

1090

Osiyoda ingliz tilida so'zlashuvchi yana bir mamlakat bo'ladi. Tayvan 2019 yilda ingliz tilini rasmiy tilga aylantiradi. Bu haqda Xitoy Respublikasining Tayvandagi bosh vaziri Uilyam Lay ma`lum qildi, deb yozmoqda Hong Kong FP.

Uning so'zlariga ko'ra, yangilik tayvanliklar orasida ingliz tilida so'zlashish darajasini oshirishi va ularga chet elda ishlash imkoniyatini kengaytirishi kerak. Dastur butun mamlakat bo'ylab ikki tilli maktablar tashkil etishni nazarda tutadi, bunda ingliz tili birinchi sinfdan o'qitiladi.

Tashabbus Tayvanni ko'p tilli davlatga aylantiradi, deya ma`lum qildi Lay. Nashrning ta`kidlashicha, orolda Xitoy (aholining 83,5 foizi uyda shu tilda gaplashadi), Tayvan (81.9 foiz), xakka dialektida (6,6 foiz), va boshqa avstroneziya tillarida gaplashishadi.

2017 yilda Tayvanda mahalliy tillarning rivojlanishi to'g'risidagi qonun qabul qilingan, unga binoan aborigenlar tili rasmiy hisoblanadi.

Tayvan - de-fakto alohida davlat, de-yure - Xitoy Xalq Respublikasining provinsiyalaridan biri. Ajralish 1949 yilda yuz bergan, o'shanda kommunistlar fuqarolik urushi tugaganidan so'ng Xitoy Xalq Respublikasini Pekindagi poytaxt bilan tashkil etishgan, mag'lub bo'lgan gomindanlar orolga qochib, u yerda Tayvandagi Xitoy Respublikasiga asos solishgan. Taybey «yagona va bo'linmas Xitoy» tamoyilini tan olmaydi hamda Xitoydan mustaqillikni talab qilmoqda.