АҚШда ҳот-дог ейиш бўйича жаҳон чемпионати ўтказилди. Мусобақада америкалик Жоуи Честнат жаҳон рекордини ўрнатди. У 10 дақиқа ичида 70та ҳот-догни паққос туширди, дея “USA Today” хабар бермоқда.
Ўтган йилги чампион Метт Стони бу сафар иккинчи ўрин билан кифояланди. Жаноб Стони 10 дақиқада 52та ҳот-дог тановул қилди.
Честнат бир йил олдин қўлдан бой берилган чемпионликка бир йил ўтиб эришди.
Рекордчи Калифорния штатининг Сан-Хосе шаҳрида истиқомат қилади. Ҳот-дог ейиш бўйича олдинги жаҳон рекорди ҳам айнан, Честнат томонидан ўрнатилган эди. Ўшанда у 12 дақиқада 66та ҳот-догни ейишга улгурган.