Otabek Mutalxo'jayevdan 7000 $ budjetli klip

30.08.2011

1561

Хонанда продюсерлари ва клипмейкерлар маслаҳатлашган ҳолда клипни икки қисмдан иборат тарзда суратга олишни режалаштирган эдилар. Дастлабки съёмка жараёни Жиззах вилоятининг "Айдаркўл” масканида бўлиб ўтди.

Клип жараёнининг иккинчи қисми "Ўзбекфильм” киностудияси павильонида аввалдан буюртма берилган ҳашаматли декарация ичида суратга олинди. "Айдаркўл”даги жараёнда клип қаҳрамонлари очроқ рангли кийимлардан фойдаланган бўлсалар, "Ўзбекфильм”даги павильонда бироз тўқроқ ранглар танланди.

Клип жараёнида 30га яқин инсон хизмат қилди. BVS студияси операторлари 3 кун давомида суратга олишган бўлса-да, клип умумий ҳисобда 10 кунга чўзилди. Ҳозирги кунда монтажчилар клипга компьютер графикаси ва махсус эффектлар қўшиш билан бандлар. Клипнинг умумий бюджети етти минг АҚШ долларини ташкил этади.

"Роббим” қўшиғи клипи тез кунда тайёр бўлади ва биринчилардан бўлиб веб-сайтимизда, шунингдек "ТV-M” ва "NTT” каналларида мухлисларга намойиш этилади.

SARDOR