Yaponiyaning Panasonic kompaniyasi 2017 yilda Xitoyda elektromobil va gibridlar uchun akkumulyatorlar ishlab chiqaruvchi zavodini ochadi, deya yozmoqda Nikkei Asian Review.
Loyiha qiymati 50 mlrd yen ($412 mln) bo'lib, xitoylik sheriklar bilan Lyaonin provintsiyasida ishga tushiriladi. Zavodda yiliga 200 mingtagacha avtomobil uchun akkumulyatorlar ishlab chiqarish rejalashtirilgan.
Qayd etilishicha, Panasonic litiy-ionli batareyalar ishlab chiqarish bo'yicha dunyodagi etakchi kompaniyalardan bo'lib, jahon bozoridagi talabning 45,7 foizini qondiradi. Bundan tashqari, yapon kompaniyasi Tesla Motors`ning asosiy hamkorlaridan hisoblanadi.