Toshkent vaqti bilan 09:00da Xitoy poytaxti Pekin shahridagi Tyananmen maydonida boshlangan Ikkinchi jahon urushi tugallangani hamda Xitoy xalqining yapon imperializmi zulmidan xalos bo'lganining 70 yilligiga bag'ishlangan marosim o'z nihoyasiga etdi.
Pekindagi
g'alaba paradida xalqaro tashkilotlar rahbarlari, dunyoning 49
mamlakati rasmiy vakillari, jumladan, 30 nafar davlat prezidenti va
hukumat vakillari rasmiy mehmon sifatida ishtirok etdi. XXR raisi Si
Szinpin bilan bir qatorda BMT Bosh kotibi Pan Gi Mun, Rossiya
Federatsiyasi prezidenti Vladimir Putin, Koreya Respublikasi prezidenti
Pak Kin Xe xonim va boshqa mamlakatlar etakchilari, xalqaro tashkilotlar
rahbarlari, shu jumladan, O'zbekiston Respublikasi Prezidenti Islom
Karimov ham fahriy mehmonlar tribunasidan o'rin egalladi.
Xitoy
tarixidagi eng yirik paradda Xitoy harbiy kuchlarining 50 esheloni: 12
ming nafar atrofida askar va ofitserlar, 40 ko'rinishdagi 500 dona
harbiy texnika ishtirok etdi. Harbiy paradda qatnashgan texnikalarning
84 foizi ilk bor namoyish etildi. Shuningdek, 20 turdagi 200 dona
samolyot va vertolyotlar parvozi ham namoyish etildi.
Marosimda
Rossiya, Belarus, Misr, Qozog'iston, Qirg'iziston, Kuba, Mo'g'uliston,
Pokiston, Serbiya, Tojikiston Afg'oniston, Vanuatu, Venesuela, Kamboja,
Laos va Fiji piyoda qismlari ham ishtirok etdi.