Braziliyalik sobiq futbolchi, 3 marta jahon chempioni bo'lgan futbolchi Pele 2018 yilda Rossiyada bo'lib o'tadigan jahon chempionatini tomosha qilish uchun shaxsan tashrif buyurishi haqida ma'lum qildi.
"Rossiya futboli meni hamisha hayratlantirgan. Men futbol o'ynagan davrda Lev Yashin Rossiya futbolini mashhur qilgandi. Men 2018 yilgi jahon chempionati o'yinlarini kuzatish uchun Rossiyaga boraman. Umid qilamanki, Braziliya terma jamoasi Rossiyada yaxshi futbol namoyish etadi.
Rossiya terma jamoasi shu vaqtgacha xalqaro maydonlarda sovrinlar qo'lga kiritmagan bo'lsada, rus futboli Еvropada o'z o'rniga ega va Rossiya terma jamoasi kuchli terma jamoalardan biri hisoblanadi", deydi Pele TASS nashriga bergan intervyusida.