Ukraina prezidenti Pyotr Poroshenko Rossiya harbiylarining Suriyada faoliyat olib borayotganiga qarshi fikr bildirdi.
"Suriyaga Yaqin Sharqda zo'ravonlikning kengayishi, buning natijasida Еvropada qochqinlar sonining ortishiga sabab bo'ladigan Rossiyaning "yashil odamchalari” joylashtirilmoqda”, – dedi Poroshenko Kievda bo'lib o'tgan yillik Yalta Еvropa strategiyasi (YES) uchrashuvida..
Yaqinda bo'lib o'tgan Rossiya Tashqi ishlar vaziri Sergey Lavrov Suriyadagi Rossiya harbiylari bir necha yillardan buyon mavjud ekanin ma'lum qilgan edi.
Eslatib o'tamiz, avvalroq Rossiya Suriyaga o'q otar qurollar, granatomyotlar, BTR-82A bronetransportyorlari, "Ural” harbiy yuk mashinalari va Suriya armiyasi shaxsiy tarkibining muayyan joydagi harbiy harakatlari va ularning ko'chirilishi uchun zarur bo'lgan boshqa turdagi qurollarini etkazib berishi xabar qilingan edi.
Bu boradagi kelishuvlarning bir qismi Damashq tomonidan to'langan, biroq Moskva va Isroil hukumati o'rtasida o'tkazilgan maslahatlashuvlardan so'ng etkazib bermaslikka qaror qilingan S-300PMU-2 havo hujumidan mudofaa qurolining etkazilishi uchun bo'nak sifatida taqdim etilgan mablag'lar evaziga amalga oshirilmoqda.
Shuningdek, BMT ma'lumotiga ko'ra, Suriyadagi qariyb besh yildan buyon davom etib kelayotgan qurolli mojarolar boshlanganidan buyon 4 mln suriyalik – ularning yarmi bolalardir – o'z vatanini tashlab ketishga majbur bo'lgan. Ayni paytda Еvropada kun kechirayotgan qochqinlarning aksariyati suriyaliklardir.