Prezident Xorazmda yig'ilish o'tkazdi. Viloyat hokimi o'rinbosarlari va bir tuman hokimi ishdan olindi

O'zbekiston prezidenti Shavkat Mirziyoyev Xorazm viloyatiga tashrifi doirasida hukumat a`zolari, vazirlik va idoralar rahbarlari, viloyat va tuman hokimlari va tegishli sohalar mutasaddilari ishtirokida yig'ilish o'tkazdi. Bu haqda prezident matbuot xizmati xabar bergan.

Tanqidiy ruhda o'tgan yig'ilishda davlat rahbari viloyatda keyingi paytda ijtimoiy-iqtisodiy rivojlanishda ko'plab masalalar to'planib qolgani, muammolarni hal etishda viloyat rahbariyatining ishni bo'shashtirib yuborgani, viloyatning birinchi rahbarida talabchanlik va qat`iyat yetishmaganini ko'rsatib o'tdi. Shuningdek, viloyat, shahar va tumanlardagi sektorlarning ishlari ham qoniqarsiz tashkil etilgani qayd etildi.

Yig'ilishda hech narsa qarsak bilan bo'lmasligi, ishdagi tartib va intizom yuqori natijalarning qo'lga kiritilishida birlamchi omil bo'lishi lozimligi aytib o'tilgan. 

«Viloyatda ko'plab sohalarda oqsoqliklar kuzatilmoqda. Yangi ish joylarini tashkil etish, byudjyetning daromadlar bazasini kengaytirish, viloyat eksport salohiyatini oshirish, boqimanda qarzdorlikni kamaytirish, shahar va qishloqlarni obodonlashtirish ishlarida jiddiy qoloqliklar mavjudligi, viloyatning turizm imkoniyatlari keng bo'lishiga qaramasdan, ushbu sohada ham ko'plab muammolar to'planib qolganligi ta`kidlandi», deyiladi xabarda. 

Ishda yo'l qo'ygan jiddiy kamchiliklari uchun Xalq deputatlari Xorazm viloyati kengashining 21 aprel kuni bo'lib o'tgan navbatdan tashqari sessiyasida viloyat hokimi Ilgizar Sobirov vazifasidan ozod qilingan edi. Uning o'rniga Farhod Ermanov viloyat hokimi vazifasini vaqtincha bajaruvchi etib tayinlangandi.

Yig'ilishda yo'l qo'ygan sustkashliklari uchun viloyat hokimining iqtisodiy masalalar bo'yicha birinchi o'rinbosari Maqsud Sapayev, Investitsiyalar bo'yicha o'rinbosari Temur Rahmonov hamda Qo'shko'pir tumani hokimi Sardor Yusupov egallab turgan vazifasidan ozod etilgan. Bundan tashqari, sektor rahbarlariga, bir qancha mutasaddilarga intizomiy jazo choralari ko'rilgan va ularga sinov muddati berilgan. 

Yig'ilishda viloyatning yangi rahbariyati va barcha mutasaddilar oldiga qator vazifalar qo'yildi.

«Barcha hokimlar, idora va tashkilotlar rahbarlari uyg'onishi, o'zini qiynashi kerak. Viloyatni har tomonlama rivojlantirish, odamlarni rozi qilish va ularning turmush farovonligini oshirish har bir rahbarning asosiy vazifasi bo'lishi kerak», deya Shavkat Mirziyoyevning so'zlarini keltirgan prezident matbuot xizmati.


Комментарии (0) | Добавить: 25.04.2018
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

Prokuratura xodimlariga imtiyozli avtokredit ajratiladi
«YouTube»dagi siz bilmagan 8 funksiya
«Spark» jahon bozorini tark etadimi?
Ixtiyoriy-majburiy hashar taqiqlanadi!
Shavkat Mirziyoyev Andijondagi harbiy qismga tashrif buyurdi
Farg‘onada MIB ijrochisi hayotiga suiqasd qilindi
Mirziyoyev Andijonda banan yetishtiriluvchi issiqxonani kirib ko'rdi
Endi STIRni DXMdan olish mumkin
“Nima qilishga ham hayronman”. Sitora Farmonova “O‘zbekkonsert” qaroriga munosabat bildirdi
Shavkat Mirziyoyev Toshkentga qaytdi
Turgan holatda ishlaydiganlar sog'lig'ini saqlab qola oladimi?
«Instagram» repost funksiyasini ishga tushirdi
Shavkat Mirziyoyevning AQShga rasmiy tashrifi yakunlandi. Nimalarga erishildi?
O‘zbekistonda xorijiy elektron hamyonlardan to‘lash tartibi belgilanadi
Shahzoda va Lola 1-iyun — Xalqaro bolalarni himoya qilish kuniga atab duet kuyladi
Buyuk Britaniyada maktab o‘quvchilariga imtihonda qo‘l soat taqish taqiqlandi
Rossiyada ilk qirg'iz qishlog'i paydo bo'ldi
AQShlik maosh oluvchi echki
Afsonaviy bokschi Mayk Tayson O‘zbekistonga kelishi mumkin
2,4 mln bolaning hayotini saqlab qolgan “oltin qo'lli” donor oxirgi marta qon topshirdi
Bosh prokuratura huzuridagi Agroinspeksiyaga rahbar tayinlandi
Yaponiya AQSh bojlariga javob choralarini tayyorlab qo'ydi
Bokuda xalqaro savdo porti ochildi
Ro'za tutish qoidalarini bilasizmi?
Google va Facebook O'zbekistonda ish boshlashi uchun shartlarini ma`lum qildi
Sayyoramizdagi sovuqqa eng bardoshli insonlar aniqlandi
“O'zagroeksport” sarimsoq piyozning xarid narxini e`lon qildi
Shavkat Mirziyoyev Oq uyda Donald Tramp bilan uchrashdi
“Mening fikrim” portalida Shavkat Mirziyoyevga O‘zbekiston Qahramoni unvonini berish taklif qilindi
Kambag‘allikka sabab bo‘luvchi amallar