Путин: бир кун келиб томонлар санкциялардан воз кечади

10.06.2015

2222

Россия президенти Владимир Путин Италияга учиб келди, деб хабар беради Интерфакс агентлиги. Сафар чоғида у EXPO-2015 кўргазмасида бўлади, Италия бош вазири Маттео Ренци ва президенти Сержо Маттарелла билан учрашувлар ўтказади. Бундан ташқари, Рим папаси Франциск билан расмий учрашув белгиланган. Собиқ бош вазир Сильвио Берлускони билан эса шахсий учрашув ўтказилиши маълум қилинмоқда.

Россия президенти Владимир Путин эртами-кечми томонлар ўзаро чекловлар белгилашдан тийилишини маълум қилди. Бу ҳақда РИА Новости агентлиги ахборот берди. Путин ушбу фикрни Италия бош вазири Маттео Ренци билан учрашув асносида билдириб ўтган. У, шунингдек, чекловларнинг бизнесга салбий таъсир ўтказаётганини эътироф этган.