Путин спортга ихтисослашган янги телеканал очиш ҳақида буйруқ чиқарди

Россия президенти Владимир Путин "НТВ-Плюс" телеканали базасида янги спорт канали очиш ҳақида ҳужжат имзолади."Ҳукумат "Газпром" АЖ билан ҳамкорликда ва "Бутунроссия давлат телевизион ва радиотелеканаллари компанияси", "Газпром-Медиа Холдинг", "Спорт буюмлари" корхонаси ва Россия Олимпия қўмитаси иштирокида "НТВ-Плюс" телеканали қошида янги спорт канали ташкил этиш бўйича қарор қабул қилди", дейилади "Интерфакс" хабарида.Бу қарор Путин иштирокида ўтказилган Жисмоний маданият ва спортни ривожлантириш кенгаши йигилишида қабул қилинган.Бу қарор ижроси 1 август кунигача бажарилиши кераклиги кўрсатилган. Қарорни бажариш учун бош вазир Дмитрий Медведев, "Газпром" раҳбари Алексей Миллер ва "Бутунроссия давлат телевизион ва радиотелеканаллари компанияси" раҳбари Олег Добродеев масъул қилиб тайинланган.