AQSh prezidenti Barak Obama va Rossiya prezidenti Vladimir Putin Turkiyaning Antalya shahrida boshlangan G20 sammiti vaqtida uchrashishdi va qo'l siqishib ko'rishishdi. Bu haqda "RIA Novosti" nashri xabar tarqatgan.
Ushbu rahbarlar muzokaralarga kirishishdan oldin suratga tushishgan.
Qayd etilishicha, muzokaralar xonasiga yo'l olgan siyosatchilar bitta liftda yuqoriga ko'tarilishgan: Putin va Obamaning yonida Еvrokomissiya rahbari Jan-Klod Yunker hamda Germaniya kantsleri Angela Merkel bo'lgan.
Frantsiyada bo'lib o'tgan voqealar sababli IShID va terrorizm sammit kun tartibidagi asosiy mavzulardan biri bo'lishi kutilmoqda.