Qarishni sekinlashtirish yo'li topildi

Amerikalik tadqiqotchilar guruhi qarishni sekinlashtiruvchi samarali usulni topishdi, deb xabar bermoqda Los-Anjyelesdagi Kaliforniya universiteti EurekAlert! portalida.

Olimlar “meva chivinlari”ning (Drosophilidae) mitoxondriyalari vaqt o'tishi bilan hajmi va shakli o'zgarishiga e`tibor qaratishdi. Ushbu organoidlar hayoti o'rtasida cho'ziluvchan va yirikka aylanadi, bu esa ularga o'z funksiyalarini bajarishiga xalaqit beradi, hamda qarishiga sababchi bo'ladi.

Tadqiqotchilarning aniqlashicha, agarda vaqt o'tishi bilan miqdori pasayib boradigan Drp1 oqsili darajasi oshirilsa, bu fiziologik jihatdan normal bo'lgan mitoxondriyalar soni ko'payishiga olib keladi.

Shuningdek, tadqiqot davomida aniqlanishicha, Atg1 genining faollashishi zararlangan mitoxondriyalarning yo'qotilishiga sabab bo'ladi.

"Bu xuddi biz o'rta yoshdagi mushak to'qimasini olib, uni yoshartirganimizga o'xshaydi", - deya ma`lum qildi ilmiy ish qatnashchilaridan biri.

Endilikda, tadqiqotchilar organizmda Drp1 darajasi oshishi effektini yuzaga keltiruvchi preparatlarni yaratishni rejalashtirishmoqda.


Комментарии (0) | Добавить: 08.09.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]