Qashqadaryoda ona va uning 17 yoshli o'g'li o'ldirib ketildi

Qashqadaryoda ona va uning 17 yoshli o'g'li o'ldirib ketildi. Bu haqda "Huquq” nashri yozmoqda.

Qarshi tumanining Uzunnavo qishlog'ida istiqomat qiluvchi A. Saipov ishlash uchun Toshkentga ketgan, uyda uning rafiqasi Shohista Ismoilova va 17 yashar o'g'li Humoyun Erkinovlar qolgan edi. Tunda sodir etilgan bosqinchilik oqibatida ularning har ikkalasi vahshiylik bilan o'ldirilib, uydan moddiy qimmatliklar olib chiqib ketildi. Ayolga tegishli Lacetti rusumli avtomashina yukxonasidan 9.41 mln so'm pul o'g'irlab ketildi.
Olib borilgan surishtiruv ishlari natijasida qotillikni Islom Hamidov va Oybek Bahromovlar amalga oshirgani aniqlandi. Ma'lum bo'lishicha, Hamidov Ismoilovadan qarzdor bo'lib qolgan hamda bu qarzdorlikni uzish imkoniyatini topa olmay, qotillikka qo'l urgan.

Sud qarori bilan Islom Hamidov 20 yilga, Oybek Bahromov 19 yilga qamaldilar.