Qirg'iziston mudofaa vazirligi mamlakat oliy o'quv yurtlaridagi harbiy kafedralarni yopmoqchi. Bu haqda vazirlik vakili Ruslan Abdrahmonovga tayangan holda Qirg'iziston telegraf agentligi xabar bermoqda.
"OTMlardagi harbiy kafedralarni yopish zarur, - dedi u. – Ayni paytda harbiy hisobda turgan zaxira zobitlari soni safarbarlik ehtiyojidan ko'ra ancha ko'p. Talabalarning bunday kafedralarga qabul qilish tizimining o'zi korruptsiyani keltirib chiqaradi, bu esa fuqarolik jamiyatining asosli e'tirozlariga sabab bo'lmoqda”.