Ramzon Qodirov Chechenistondagi go'zallik salonlarini tekshiruvdan o'tkazishni buyurdi

"Men teri ostiga silikon kiritish bilan shug'ullanadigan turli salonlarning ishini tekshirishni buyurdim. Respublikada odamlar bunday in'eksiyalardan keyin og'ir ahvolga tushib, hayotlari bilan vidolashishlariga bir bahya qolgan holatlar qayd etildi”, deb yozmoqda Qodirov ijtimoiy tarmoqlardan birida.

Bunday qaror Checheniston hukumati raisi Abubakr Edelgeriev va uning aholini dispanserizasiya qilish masalalari bo'yicha o'rinbosari bilan o'tkazilgan yig'ilishda qabul qilindi.

Bundan tashqari, Qodirovning fikricha, ko'pchilik og'ir kasalliklar o'z vaqtida tibbiy ko'rikdan o'tmaslik sababli yuzaga kelgan. "Salomatlikni muntazam tekshirib borish kerak, biroq ba'zi odamlar yordam berishning umuman iloji qolmaydigan darajadagi kasalliklarni kutib o'tiradilar”, deb ta'kidlab o'tdi Ramzon Qodirov.