14 avgust kuni Ramzon Qodirov haydovchilar uchun muhim yangilikni e'lon qildi – endilikda Chechenistonda yo'llarda hamma bir xil maqomga, bir xil javobgarlikka ega bo'ladi. Uning aytishicha, odamlar faqatgina xizmat paytida vazirlar, deputatlar va polkovniklar bo'la oladilar, yo'lda esa bundaylar bo'lmaydi – hamma birdek harakat ishtirokchisi bo'ladi.
Qodirov, Ichki ishlar vazirligi rahbariyati va qo'mondonlik tarkibi bilan majlis o'tkazdi va mansabdor shaxslar tomonidan yo'l qo'yilgan barcha yo'l harakati qoidabuzarliklari haqidagi ma'lumot rahbariyatga etkazilishini talab qildi.
Qodirovning aytishicha, qoidabuzarlar o'z lavozimidan bo'shatiladi va bu qanday unvoni yoki ko'rsatgan xizmatlaridan qat'iy nazar barchaga bir xil taalluqli bo'ladi.
"Agar qoidani menga yaqin shaxs buzsa, shu daqiqadan boshlab u do'st, safdosh yoki qarindoshim bo'lishidan qat'iy nazar, lavozimidan ayriladi. Albatta, qonunda belgilangan qat'iy talablar barchaga bildiriladi, biroq mansabdor shaxslar nafaqat yo'l harakati qoidalari bandlari bo'yicha javob beradilar”, deb aytdi Qodirov.
Qodirov bunday choralarning qabul qilinishiga yo'llardagi qodibuzarliklarning ayanchli tarzda sodir etilayotgani va buning oqibatida odamlar halok bo'layotgani, jarohat olib, majruh bo'layotgani turtki bo'lganini aytdi.