"Ravnaq-bank"ning valyuta litsenziyasi qaytarib berildi

29.12.2015

965

O'zbekiston Respublikasi Markaziy banki Boshqaruvining 2015 yil 26 dekabrdagi qarori bilan Adliya vazirligidan ro'yxatdan o'tgan “Tijorat banklariga chet el valyutasida operatsiyalarni amalga oshirish uchun litsenziyalarni berish tartibi”ga muvofiq “Ravnaq-bank” xususiy aktsiyadorlik-tijorat bankiga chet el valyutasida operatsiyalarni amalga oshirishi uchun Bosh litsenziya berildi.

2012 yilda «O'zbekiston Respublikasi Markaziy banki to'g'risida»gi Qonunning 40 va 53-moddasiga asosan valyutani tartibga solishga doir amaldagi qonunchilik talablarini buzganligi sababli O'zbekiston Respublikasi Markaziy banki «Ravnaq-bank» xususiy ochiq aktsiyadorlik-tijorat bankidan chet el valyutasida operatsiyalarni amalga oshirish huquqini beruvchi Bosh litsenziyani qaytarib olgandi.