Rayhon kontsertiga kimning kelishini intiqlik bilan kutyapti?

19.01.2017

2418

Ўзбекистонда хизмат кўрсатган артист Райҳон Ғаниева “Даракчи” газетасига берган интервьюсида концертга тайёргарлик жараёни, унда кутилаётган сюрпризлар ва ўғилларининг қизиқишлари, уларнинг боғчадаги кун тартиби ҳақида сўзлаб берди. 

Хусусан, Райҳон концертига кимнинг келишини интиқлик билан кутаётгани ҳақидаги саволга қуйидагича жавоб берди: 

“Бу йил ўғилларим илк бор концертимга ташриф буюришади. Шунинг учун ҳам балки олдингиларидан кўпроқ ҳаяжонланаётгандирман”

Райҳон ўғилларининг боғчага боришига узоқ вақт кўника олмаганини ҳам айтиб ўтди: 

“Тўғрисини айтсам, бошида икки ҳафта уларни ўзим боғчага олиб бориб, эшик ортида нималар қилишяпти экан деб кузатиб турардим. Ўғилларимдан кўра уларнинг янги ҳаёт тарзига менинг ўрганишим қийин кечди десам муболаға бўлмайди. Турли хавотирлар мени тинч қўймасди. Кейин эса боғча мудираси билан суҳбатлашиб, она сифатида уларнинг фикр-мулоҳазаларини тинглаб, ўзимни қўлга олганман. Мудира айтгандек, мен уларни ҳаётлари доим назорат қилолмайман. Энг яхшиси уларнинг хавфсизлигини Яратганинг ўзига ишониш. Айнан шу сўзлардан сўнг тинчланиб, вазиятни қўйиб юбордим. Ҳозир эса улар мароқ билан болалар боғчасига бориб келишади. Бундан мен ҳам хурсандман”.

Маълумот учун, Райҳоннинг янги концерт дастури 20-24 февраль кунлари “Истиқлол” санъат саройида бўлиб ўтади. 

Райҳон билан тўлиқ интервьюни “Даракчи” газетасининг 19 январь куни сотувга чиққан 3 сонида ўқишингиз мумкин.