«Реал» Икер Касильяс борасида «Порту» билан келишувга эришганини расман маълум қилди

Мадриднинг «Реал» клуби дарвозабони ва сардори Икер Касильяс яқин вақтлар ичида расман "Порту"га ўтиши кутилмоқда. Бу ҳақида «Реал» клуби расман маълум қилган. Эслатиб ўтамиз, бироз вақт муқаддам мадридликлар Касильяс "Порту"да Португалия солиқ тизими бўйича йўқотадиган маблағни тўлаб бериши айтилган эди. Касильяс "Порту" билан икки йиллик шартнома имзолайди. Агарда у янги жамоаси таркибида йилига 30 тадан кўпроқ расмий ўйинда майдонга тушса, шартнома муддати яна бир йилга узайиши мумкин. Икер Касильяс 1998 йилдан буён «Реал» шарафини ҳимоя қилиб келди ва 725 учрашувда майдонга тушди.

Manba: uff.uz