Рим майдонига тенг улкан айсберг 150 минг пингвиннинг ўлимига сабаб бўлди

14.02.2016

1815

Антарктидада ҳақиқий фожиа юз бермоқда. У ерда улкан айсберг қамалида Адели пингвинлари колонияси қолиб кетди. Айсберг 160 мингта пингвиндан иборат бу колониянинг 150 минг пингвинининг қирилишига сабаб бўлди.

Бу воқеа 2010 йилдаёқ бошланган. Ўшанда Союз бухтасига улкан айсберг сузиб келган. Унинг майдони 2900 метр квадратга баҳоланиб, бу Рим ва унинг атрофидаги шаҳарлар эгаллаган майдонга тенг. Олимларнинг аниқлашича, айсберг 160 минг пингвиндан иборат колония қўним топган Денисон бурни яқинида тиқилиб қолган.

Муаммонинг кўламини эндигина баҳолашга муваффақ бўлинди. Аниқланишича, муз тоғ пингвинларнинг сувга тушишини тўсиб қўйган, бу эса уларга егулик топишга имкон бермаган. Оқибатда 5 йил ичида 160 минглик колониядан бор-йўғи 10 мингта пингвин қолган. Олимларнинг фикрича, қушлар егулик етишмагани сабабли қирилиб кетган.

Мутахассислар бонг урмоқдалар: агар айсберг ўзининг жойлашган ўрнини ўзгартирмаса, қолган пингвинлар ҳам буткул қирилиб кетиши мумкин. Тахминларча, бу 20 йил давомида юз беради.