Ronaldu ham rasmiy ravishda uylanmoqchi

28.01.2017

2462

Madridning «Real» klubi hujumchisi Krishtianu Ronaldu JCh-2018 musobaqalaridan keyin shaxsiy hayotida o'zgarish qilmoqchi. Bu haqda Tribuna.uz nashri xabar bermoqda.

Manbaga ko'ra, futbolchi bundan to'rt oy muqaddam tanishgan yangi mahbubasi model Jorjina Rodrigesga uylanib, yana farzandli bo'lishni istamoqda. Jorjina nafaqat Ronalduga, balki uning yaqinlariga ham ma`qul kelgan.

Futbolchi to'yni 2018 yilning yozida o'tkazishni istamoqda. O'sha yili Rossiyada bo'lib o'tadigan jahon chempionatidan keyingi sanalar to'y uchun tanlanishi ko'zda tutilgan.