Россия ҳужумчи самолётлари ўз чегараси яқинидан АҚШ эсминецини сиқиб чиқарди

Россия Қора денгиз флоти Су-24 ҳужумчи самолётлари Россиянинг сув чегаралари яқинида сузиб юрган АҚШнинг "Росс” эсминецини нейтрал сувларга чекинишга мажбур қилди. Бу ҳақда Қрим куч тузилмаларидаги манба хабар бермоқда.АҚШ кемаси Руминиянинг Констанца портидан чиқиши биланоқ Россиянинг территориал сувларига қараб йўл олди. Кема Россиянинг сув чегаралари четлари бўйлаб сузиб юрди, унинг ҳаракатлари "ғаламискорона ва тажоввузкорона” кўринишда бўлган. Қора денгиз қўмондонлиги "чегарани бузганлик учун қаттиқ жазолашга ва мамлакатнинг манфаатларини ҳимоялашга тайёргарликни” намойиш қилиш учун Су-24 ҳужумчи самолётларини ҳавога кўтаришга қарор қилди. Маълумот учун, 2014 йилнинг апрелида Су-24 самолёти АҚШнинг ҳаво ҳужумига қарши мудофаа элементларига эга энг замонавий "Дональд Кук” эсминецидаги барча аппаратурани "ўчириб” қўйган эди.

Manba: ria.ru