Россиялик полициячиларга мамлакат ҳудудини тарк этиш тақиқлаб қўйилди

Россия ИИБ ходимларига мамлакат ҳудудидан чиқиш тақиқлаб қўйилди. Бу ҳақда FlashNord xабар бермоқда. Порталда маълум қилинишича, Карелия, Архангелск ва Калининград шаҳарларидаги милиция бўлимларига шундай кўрсатма келиб тушган. Баъзи манбаларда эса, бу ҳақда кўрасатма эмас, буйруқ жўнатилгани айтиб ўтилган. "Мен шу ҳафтада Вьетнамга учиш учун билет олгандим. Энди билетни топширишга тўгри келади. Қандайдир тақиққа кўра, биз энди фақат Сочи ва Қримда таътилни ўтказа олар эканмиз”, – дейди Мурманск вилоятида ҳуқуқни муҳофаза қилиш органларида хизмат қилувчи шахслардан бири.