Rossiyada 7 yoshdan kichik bolalarni mashinada yolg'iz qoldirish taqiqlandi

Rossiya bosh vaziri Dmitriy Medvedev Yo'l harakati xavfsizligi qoidalariga o'zgartirishlar kiritish haqidagi farmonni imzoladi

Qoidalarning yangi tahririda 7 yoshdan kichik bolalarni avtomobillarda bir o'zlarini qoldirish taqiqlab qo'yildi. Mashina to'xtab turganda bola bilan birga katta yoshli odam bo'lishi kerak.

Qoidalarning 12-bo'limi transport vositalarining to'xtashi va to'xtab turishini tartibga soladi. Unga ko'ra, to'xtash va to'xtab turish qoidalarining buzilishi ogohlantirish yoki 500 rubl miqdorida ma`muriy jarima solish bilan jazolanadi.

Yangi farmonda bolalarni transport vositalarida xavfsizlik kamarlari va tutib turuvchi qurilmalar – bolalar o'rindiqlari bilangina tashish mumkinligi belgilab qo'yildi.


Комментарии (0) | Добавить: 03.07.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]