Rossiya davlat Dumasiga xorijliklar va Rossiya fuqaroligi bo'lmagan shaxslar, Rossiyada istiqomat qilish uchun hujjatlarni noto'g'ri rasmiylashtirsalar, ularga nisbatan qo'llaniluvchi ma`muriy jarimalarni oshirish haqida qonun loyihasi kiritildi.
Bu haqda Rossiya hukumati saytida xabar berilgan.
Hujjatga ko'ra, ma`muriy jarimalarni quyidagi ko'rinishda oshirish rejalashtirilgan: fuqarolar uchun – 5 ming rublga (ayni damdagi maksimal summa – 4 ming rubl), mansabdor shaxslarga – 50 ming rublga (ayni damda – 30 ming rubl), yuridik shaxslarga – 500 ming rublga (ayni damda – 300 ming rublgacha).
Ma`lumotnomada ta`kidlanishicha, bu tashabbus qonunchilikni mamlakat milliy xavfsizligini ta`minlash maqsadida yanada takomillashtiradi.