"RU” hududidagi domenlar soni 5 milliontaga etdi

Rossiya hududidagi internet domenlari uchun beriladigan .ru zonasida ro'yxatdan o'tgan domenlar soni 5 milliontaga etdi. Bu haqda Reg.ru nashri xabar tarqatdi.

Manbaning yozishicha, 5 millioninchi bo'lib ro'yxatdan o'tgan domen roominstyle.ru. manzili uchun olingan.

Eslatib o'tamiz, .ru domeni ro'yxatga olingan internet manzillari soni bo'yicha dunyoda oltinchi o'rinda turadi. Statdom.ru sayti tomonidan berilgan ma'lumotga ko'ra, .ru zonasida internet manzil ochganlarning adminstratsiyasi dunyoning 200dan ortiq mamlakatlarida faoliyat yuritadi.

Ma'lumot uchun, 6 oktyabr kuni holatiga ko'ra, "UZ” hududidagi faol domenlar soni 24 mingtani tashkil etgan.