Сайёрамизнинг энг бой инсонлари


  Кимнинг пули кўпроқ бўлган – Жон Рокфеллерникими ёки Чингизхонникими? Савол жуда оддий, лекин унга жавоб бериш осон эмас.

Қуйидаги инсоният тарихидаги энг бой кишилар рейтинги иқтисодчи олимлар ва тарихчилардан олинган интервьюлар асосида тузилган. Рўйхатни тузишда турли тарихий даврлардаги бойликлар миқдори солиштирилган ва иқтисодий тизимларнинг номутаносиблиги ҳисобга олинган.

 

10. Чингизхон

Яшаган даври:: 1162-1227

Мамлакати: Мўғул салтанати

Бойлиги миқдори: Чексиз ерлар

Чингизхон тарихдаги энг муваффақиятли саркардалардан ҳисобланади. У тарихдаги энг катта ва энг бой салтанатни бошқарган – гуллаб-яшнаган даврида Мўғуллар салтанати Хитойдан Европага қадар ҳудудни қамраб олган. Аммо олимларнинг айтишларича, шунча қудрати билан Чингизхон ҳеч қачон бойлик тўпламаган.

Чингизхон ҳақидаги китоб муаллифи Жек Уэзерфорднинг ёзишича, мўғул жангчиларига жангда ўлжа олиш тақиқланган. Маълум бир ҳудуд босиб олингач, махсус котиблар ҳар бир ўлжани қайд дафтарига ёзиб боришган, сўнгра барча ўлжалар жангчилар ва уларнинг оила аъзоларига бўлиб берилган.

 

9. Билл Гейтс

Яшаган даври: 1955 йилда туғилган

Мамлакати: АҚШ

Бойлиги миқдори: 78,9 миллиард доллар

Ҳозирги кундаги энг бой шахс - Билл Гейтснинг бойлиги миқдорини аниқлаш жудаям осон. Forbes журнали маълумотига кўра, Microsoft асосчисининг бойлиги солиқлар тўланганидан сўнг 78,9 миллиард долларга тенгдир. Бу дунё бойлари рейтингида иккинчи ўринда турган Zara асосчиси Амансио Ортеганинг бойлигидан деярли 8 миллиард долларга кўп.

 

8. Алан Руфус 

Яшаган даври: 1040–1093

Мамлакати: Англия

Бойлиги миқдори: 194 миллиард доллар

Қирол Вильгельм Истилочининг жияни Алан Руфус Нормандияни забт этишда иштирок этган. "Бойларнинг бойи" китоби муаллифлари Филип Бересфорд ва Билл Рубинстайннинг қайд этишларича,  ўлимидан илгари у 11 минг фунт стерлинг маблағ эгаси бўлган. Бу ўша даврдаги Англия ялпи миллий даромадининг 7 фоизига тенг. 2014 йилги курс бўйича долларга ҳисобланса, унинг бойлиги 194 миллиард долларни ташкил этган бўларди.

 

7. Жон Дэвисон Рокфеллер

Яшаган даври:: 1839–1937

Мамлакати: АҚШ

Бойлиги миқдори: 341 миллиард доллар

Рокфеллер нефть саноатига 1863 йилда пул тикишни бошлаган ва 1890 йилда унга қарашли Standard Oil компанияси бутун АҚШдаги нефть ишлаб чиқариш саноатининг 90 фоизини назорат қилган.

Нью-Йоркнинг Times газетасида чоп этилган таъзияномага кўра, Рокфеллернинг бойлиги 1,5 миллиард доллар бўлган. MeasuringWorth компаниясининг маълумот беришича, бу ўша йили АҚШдаги ишлаб чиқариш ҳажмининг 2 фоиз миқдорига тенг маблағдир.

2014 йилги ҳолатга таққосланадиган бўлса, Рокфеллернинг бойлиги 341 миллиард долларни ташкил этган бўларди.

 

6. Эндрю Карнеги

Яшаган даври:: 1835–1919

Мамлакати: АҚШ

Бойлиги миқдори: 372 миллиард доллар

Рокфеллернинг бойлиги матбуотда ҳар доим қизғин муҳокама қилинган, лекин тарихдаги энг бой америкалик Эндрю Карнеги бўлган. 1901 йили у ўзининг U.S. Steel компаниясини Жон Морганга 480 миллион долларга сотган. Бугунги ҳисоб-китобларга ўгирилганда, бу маблағ АҚШ ялпи ички маҳсулотининг 2,1 фоизига тенг бўлади. 2014 йилда Карнегининг бойлиги 372 миллиард долларга тенг бўлиши мумкин эди.

 

5. Иосиф Сталин

Яшаган даври:: 1878–1953

Мамлакати: собиқ СССР

Бойлиги миқдори: Жаҳон ялпи ички маҳсулотининг 9,5 фоизини ташкил этган мамлакатни тўлиқ назорат қилиш

Бутунжаҳон ҳамкорлик ва тараққиёт ташкилотининг маълумотига қараганда, 1950 йилда, Сталин ўлимидан уч йил олдин СССРнинг жаҳон ЯИМдаги улуши 9,5 фоизга тенг бўлган. 2014 йилдаги ҳолатга таққосланадиган бўлса, бу 7,5 триллион доллар бўларди.

Сталинга бу пуллар тегишли бўлмаса-да, у истаган пайтда бу маблағни ўз хоҳишига кўра ишлатиши мумкин эди.

Алабама штати университетининг тарих бўйича профессори Жорж Либер шундай дейди: "Сталин бойлар сафида эдими? Агарда бойлик тушунчасини кенгроқ олсак, ҳа. Лекин бу унинг бойлиги эмасди. У бутун мамлакатнинг бойлигини бошқарган".

 

4. Буюк Акбар

Яшаган даври:: 1542-1605

Мамлакати: Ҳиндистон

Бойлиги миқдори: жаҳон ЯИМдаги улуши 25 фоизни ташкил этган салтанатни бошқарган

Бобурийлар сулоласи вакили Акбаршоҳ жаҳондаги ишлаб чиқариш ҳажмининг чорак қисмини ташкил этган салтанатни бошқарган. Иқтисодиёт тарихчиси Ангус Мэддисоннинг эътирофича, Акбаршоҳ даврида салтанат ЯИМ Елизавета Англияси ЯИМга тенг бўлган, лекин ҳиндистонлик зодагонлар инглиз зодагонларига нисбатан яхшироқ ҳаёт кечиришган.

 

3. Хитой императори Шэнь-цзун

Яшаган даври:: 1048-1085

Мамлакати: Хитой

Бойлиги миқдори: жаҳон ЯИМдаги улуши 25-30 фоизни ташкил этган салтанатни бошқарган

Хитойнинг  Сун сулоласи (960-1279) тарихдаги энг бой салтанатлардан бирини бошқарган. Профессор Рональд А. Эдвардснинг фикрича, салтанат гуллаб-яшнаган даврда жаҳондаги ишлаб чиқариш ҳажмининг 25-30 фоизи айнан Сун салтанати ҳисобига тўғри келган.

Салтанат технологик янгиликлар ва солиқ йиғиш усули ҳисобига бойиган. Эдвардснинг фикрича, хитойликлар европаликлардан бир неча юз йилга ўзиб кетишган. 

 

2. Октавиан Август

Яшаган даври: эр.ав. 63 – эрамизнинг 14 йили

Мамлакати: Рим салтанати

Бойлиги миқдори: 4,6 триллион доллар

Стэнфорд университети тарихчиси Яна Морриснинг фикрича, Октавиан Август жаҳондаги ялпи ишлаб чиқариш ҳажмининг 25 фоизини ташкил этувчи салтанатни бошқаришдан ташқари, мамлакат иқтисодиётининг бешдан бир қисмига тенг бойликнинг ҳам эгаси бўлган. "Бир қанча вақт давомида, – дейди Моррис, – Август Мисрга шахсан ўзи эгалик қилган".

 

1. Манса Муса

Яшаган даври:: 1280 – 1337

Мамлакати: Мали

Бойлиги миқдори: ҳисоби йўқ

Қирол Манса Мусани тарихдаги энг бой инсон деб аташади. Феррум университети тарихчиси Ричард Смитнинг айтишича, Муса бошқарган мамлакат дунёдаги энг йирик олтин ишлаб чиқарувчи давлат бўлган.

Муса қанчалик даражада бой бўлган? Унинг бойлиги миқдорини аниқ айтишнинг имкони йўқ.

Айрим манбаларда унинг Макка зиёратига отланган пайтдаги қилган сарфи тилга олинади – қайд этилишича, ҳар бирига бир неча юз фунт олтин ортилган ўнлаб туялардан иборат карвон унга ҳамроҳлик қилган. Бошқа манбаларда эса Мусанинг қўшини 200 минг нафар аскардан, шу жумладан, 40 минг нафар камончидан иборат бўлгани айтилади. Ҳаттоки замонавий ривожланган мамлакатлар ҳам бу даражадаги қўшинга эга бўлиши амримаҳол бўлган.

Мичиган университети тарихчиси Рудольф Вэер шундай ёзади:

"У дунёдаги энг бой инсон бўлган. Унинг бошига олтиндан ишланган тож кийиб олтин асони ушлаб олтиндан ясалган тахтда ўтирганча бир қўлига олтиндан ишланган қадаҳни тутиб олган сурати бизгача етиб келган. Битта инсонда қанча миқдорда олтин бўлиши мумкинлигини тасаввур қилинг ва шу миқдорни иккига кўпайтиринг".

Manba: xabardor.uz


Комментарии (1) | Добавить: 23.08.2015
1. Turob1991 (23.08.2015 19:56)
qoyile.amir olimxon senlardanam boy bulgan.wuni yoziwga duxlaring yetiwmabdida.
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Qozog‘iston kartoshkasi qimmatlab, O‘zbekistonga olib chiqib ketilmoqda. O‘zbekistondagi talab Qozog‘iston kartoshka bozoriga qanday ta’sir
Putin dunyodagi geosiyosiy vaziyatga izoh berdi
Toshkentda yangi haydovchilik guvohnomalarining berilishi 20-oktabrdan boshlanadi
Toshkent, Sirdaryo, Jizzaxda terimchilar bir kilogramm paxta uchun 800 so‘mdan, qolgan hududlarda 700 so‘mdan haq olishni boshladi
Kreml: Putin o'z nomzodini qo'yishi haqida hozircha indamadi
Ishda unumli tanaffuslar tashkil qilishning 5 usuli
Go'sht va baliq narxlari oshmasligi uchun qaror qabul qilindi
O'zbekiston razvedkasi Britaniyadagi musobaqada g'olib bo'ldi
Ko‘proq narsaga ulgurish va kamroq charchashning 5 yo‘li
UZ ma’muriyati Osiyo-Tinch okeani yuqori daraja domenlari assotsiatsiyasiga a’zo bo‘lib kirdi
Buxoroda “balo-qazolardan xalos etish” evaziga 5 ming dollar olgan folbin qo‘lga olindi
MRB Lulu laqabli itni portlovchi moddalarni qidirishni istamagani uchun ishdan bo‘shatib yubordi
Koreyalik mutaxassislar Toshkent aeroportini yaxshilashga yordam beradi
Dunyoda har kuni 5 yoshgacha bo'lgan 15 ming bola hayotdan ko'z yumadi
20 oktabr kuni O'zbekistonda kutilayotgan ob-havo ma`lumoti
Sochi yaqinida o'zbekistonlik xavfli jinoyatchi ushlandi
Odil Ahmedov Osiyo chempionlari ligasi finalida o'ynamaydi
Muhammad payg‘ambar (s.a.v.) sevgan 10 ta oziq-ovqat
Shohruhxon va Asal Shodiyevadan yangi fotosessiya
Apple’ning yangi egiluvchan smartfoni haqida batafsil ma’lumotlar paydo bo‘ldi
Moskva sudi Telegram’ni FXX talabini bajarmagani uchun 14 ming dollar jarimaga tortdi
Ramzan Qodirov shayx Muhammad Sodiq Muhammad Yusuf hazratlari​ning qabrini ziyorat qildi
Qirg'izistonning yangi prezidenti Sooronboy Jeenbekov, uning oilasi va qarindoshlari haqida nimalar ma`lum?
Qanday qilib uyqudan yaxshi kayfiyat bilan uyg‘onish mumkin?
Qualcomm Xitoyda iPhone ishlab chiqarishni taqiqlashni talab qildi
Alisher Usmonov o'z samolyotini O'zbekiston prezidentiga ijaraga bergan
Mirziyoyev elektr energiyasi va tabiiy gaz bo'yicha yig'ilish o'tkazdi
BMT: dunyoda 815 mln odam och qolmoqda
Shakardan voz kechishning 3 usuli
Jahon chempionati uchrashuvini ilk marta ayol hakam boshqaradi