Samarqandda giyohvand moddalar kontrabandasi bilan shug'ullangan guruh tashkilotchisi qo'lga olindi

Tojikistondan O'zbekistonga yirik partiyadagi giyohvand moddalarning kontrabandasi bilan shug'ullangan uyushgan jinoiy guruh (UJG) faoliyatiga chek qo'yildi. Bu haqda Sputnik O'zbekiston kuch mahkamalaridagi manbaga asosan xabar berdi.

UJG a`zolari 11 kishidan iborat bo'lgan. Unga urgutlik 42 yoshli Baxtiyor Xushnazarov rahbarlik qilgan. U shunday jinoyatlari tufayli 10 yilga ozodlikdan mahrum etilgan.

Xushnazarovning ukasi – Ilhom Xushnazarov guruh yetakchilaridan biri bo'lgan. U O'zbekistonga yirik partiyadagi giyohvand moddalarni olib kirilishida bevosita ishtirok etgan. Faqatgina 2016 yilning martida guruh a`zolaridan 17 kilogrammdan ortiq “opium” giyohvandlik moddasi olib qo'yildi. Guruh a`zolari O'zbekistonga Tojikistonning So'g'd viloyati Panjikent tumanidan 2015 yilning noyabrida 24 kilogrammdan ortiq bunday giyohvandlik moddasini olib kirishgan.

"Ilhom Xushnazarov akasi va boshqa hamtovoqlari qo'lga olinganidan xabar topib, huquqni muhofaza qiluvchi organlardan yashirindi. Jinoyatchi qidiruvda bo'lgan. MXX xodimlari tezrok tadbirlar natijasida Xushnazarovni qo'lga olishdi", - deya ta`kidlab o'tgan sud vakili.

U sudda o'z aybiga to'liq iqror bo'ldi va 13 yilga ozodlikdan mahrum etildi. 

Manba: kun.uz


Комментарии (0) | Добавить: 21.01.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]