Samsung Electronics kompaniyasi Note brendidan voz kechadi. Bu brend ostida kompaniyaning katta ekranli smartfonlari ishlab chiqarilgan. Bu haqda TASS axborot agentligiga ma`lum qilindi.
"Samsung Electronics rahbariyati Note brendini qo'llashdan voz kechish imkoniyatini ko'rib chiqmoqda, chunki u bilan bog'liq oxirgi voqealar bu brend nufuzini tom ma`noda yo'q qildi", deb aytdi kompaniya vakili. Uning aytishicha, yangi Galaxy Note 7 smartfoni bilan bog'liq mojarodan keyin iste`molchilarning bu mahsulotga ishonchi yo'qolgan. "So'rovlarga ko'ra, 50 foiz so'ralganlar qurilmaga keskin salbiy munosabatdalar. Bu holatda yagona Yechim – ushbu brendni to'liq yo'q qilishdir", deb qo'shimcha qildi kompaniya vakili.
Manbaning aytishicha, Galaxy smartfon seriyasi nomi o'zgartirilmaydi. "Rebrending juda qimmatga tushadi", deb aytdi manba.
2 sentabrda kompaniya Galaxy Note 7 smartfonlarini unda akkumulyator batareyalari bilan aniqlangan muammolar sababli ommaviy ravishda ortga qaytarilishi va sotilishi to'xtatilishini e`lon qilgandi. Bu batareyalar o'z-o'zidan portlashi mumkin bo'lgan. Kompaniya buning oqibatida 1 mlrd dollar zarar ko'rgan.
Kompaniya 11 oktabrda Galaxy Note 7 ishlab chiqariilishi butul to'xtatilishini e`lon qildi. Kompaniya vakilining aytishicha, kompaniya "foydalanuvchilar xavfsizligi haqida qayg'urib" bunday qaror qabul qilgan.