Samsung Galaxy Note 8’ning tannarxi qanchaligi ma’lum bo‘ldi

Taniqli IHS Markit kompaniyasi mutaxassislari Samsung shirkatining yangi yetakchi smartfoni – Galaxy Note 8 modeli qismlarining tannarxini hisoblab chiqdi. Bu haqida The Investor nashriga tayanib, “Mobinfo.uz” xabar berdi.

Ekspertlarning hisob-kitoblariga ko‘ra, Galaxy Note 8 qismlarining yalpi qiymati 350 dollarga teng. Ma’lumot o‘rnida, Galaxy Note 7 modelini ishlab chiqarishga 290 dollar ketgan. Shu bilan birga, IHS Markit yuqoridagi tannarx marketing xarajatlarini hisobga olmasligini eslatib o‘tgan.

Ayni paytda, sentabrda sotila boshlanishi kutilayotgan smartfonning chakana narxi 880—1000 dollarni tashkil etadi.

Eslatib o‘tamiz, Samsung Galaxy Note 8 6,3-dyuymli Super AMOLED displey (2960 x 1440 piksel), optik barqarorlashtirish, svetodiod yoritgichli Dual Pixel texnologiyasida ishlab chiqilgan ikki 12-megapikselli asosiy kamera, quvvati 3300 mA/soatga teng akkumulyator bilan jihozlangan. Telefon Samsung Exynos 8895 protsessori asosida ishlaydi. Telefondagi tezkor xotira hajmi 6 gigabaytga teng.

O‘zbekistonda Galaxy Note 8’ning sotuvlari sentabr oyida boshlanishi kutilmoqda.


Комментарии (0) | Добавить: 01.09.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]